Tuesday . 18 June 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

ACTIONAID YIBUTSE ABAKOZI BAHOZE BAKORERA AIDE ET ACTION BAZIZE JENOSIDE YAKOREWE ABATUTSI [AMAFOTO]

Friday 12 April 2019, by : MUTESI Scovia
    Yasomwe na

Yanditswe na Imfurayabo Pierre Romeo
Kuri uyu wa gatanu ku kicaro cy’umuryango utegamiye kuri Leta actionaid, habereye umuhango wo kwibuka abakozi bakoreraga uyu muryango igihe witwaga AIDE ET ACTION bishwe muri Jenoside yakorewe abatutsi muri mata 1994.

Kimwe n’ahandi hantu hatandukanye mu mpande zose z’igihugu mu gihe turi mu cyumweru cyo kwibuka, umuryango utegamiye kuri Leta ActionAid, nawo wifatanyije n’abanyarwanda wibuka abakozi bakoreraga uyu mushinga ubwo witwaga Aide et Action.

Umuhango wari witabiriwe n’abakozi buyu muryango ndetse n’abahagarariye CNLG, IBUKA na bamwe mu miryango y’abazize Jenoside yakorewe abatutsi bakoraga muri Aide et Action.

Mu kiganiro kirambuye yatanze, David Mwesigwa waruhagarariye CNLG muri uyu muhango wo kwibuka, yagaragaje ibikorwa by’ingenzi Leta y’ubumwe yakoze nyuma ya Jenoside, mu rwego rwo kurwanya no guhashya Jenoside n’ingengabitekerezo yayo haba mu banyarwanda bari imbere mu gihugu ndetse n’abari hanze. Yagarutse cyane ku byakozwe mu rwego rwo kunga abanyarwanda aho yagarutse ku gikorwa cy’inkiko gacaca agaragaza ko cyagiriye igihugu akamaro ko gutuma abakoze Jenoside bemera ibyaha kandi bakanasaba imbabazi. Yakomeje kandi avuga ko impamvu y kwibuka Atari uguandukira cyangwa gukurura urwango ahubwo ko kwibuka bituma utibagirwa.

Yagize ati’’ Nubwo hari abapfobya bakanahakana Jenoside, iyo turi mu bihe nkibi byo kwibuka kenshi ntibaba babyishimiye, ariko Impamvu nyamukuru twibuka si ukugirango bazize jenoside, si dukurure urwango ahubwo ni ukubibuka kugirango tutibagirwa abacu, kuko iyo utibutse uribagirwa kandi iyo wibagiwe hari igihe wisanga muri ryakosa wigeze gukora, kwibuka rero ni ukugirango ibyabaye bitazongera na rimwe kubaho”

Yakomeje agaragaza uburyo ubumwe n’ubwiyunge mu banyarwanda byagize uruhare rukomeye mu guhangana n’ingaruka za Jenoside.
Yagize ati” RPF Inkotanyi bamaze gufata igihugu, hashyizweho n’ingamba nyinshi zo guhangana n’ingaruka zasizwe na Jenoside ndetse no gusana umuryango nyarwanda warumaze gusenyuka.”

Muri izo ngamba yagarutseho zashyizweho ninko guhindura indangamuntu yaririmo amoko, yanahinduwe igikoresho cyo kwica abatutsi hagashyirwaho indangamuntu itavangura abanyarwanda itanagaragaramo amoko. Habayeho no gucyura impunzi zari zarahungiye hirya no hino mu bihugu byafurika biganjemo abatutsi bari barirukanywe mu gihugu muri myaka ya 1959, 1974 ndetse n’abandi bagiye bahunga mu 1994.

Mu buhamya burebure bwatanzwe na Mukantagara Tereza warokotse Jenoside kuri ubu utuye ikarongi kamwe mu turere action aid ikoreramo, yagarutse ku rugendo rukomeye yanyuzemo rwo guhigwa n’abashakaga kumwica gusa kuri ubu akaba ashimira Leta y’ubumwe yatumye abarokotse bigarurira icyizere.

Yagize ati”Nyuma y’imyaka 25 nshitse ku icumu rya Jenoside, singiheranwa n’agahinda nkorera mu matsinda n’abandi bagore bagenzi banjye yo kubitsa no kugurizanya, nkakorera no muyandi ma koperative y’ubuhinzi nkabasha kwiteza imbere, yego sinareka kwibuka ibyo nanyuzemo ariko ubu ndakataje mu majyambere, kandi ndanajyira inama n’abandi bagenzi banjye barokotse ko tutakomeza guheranwa n’agahinda ahubwo tukareba imbere aho tugana tukubaka igihugu cyiza cy’umwana wiyumva nk’umunyarwanda tukazakiraga abana bacu”.

Josephine Uwamariya umuyobozi wa ActionAid mu Rwanda, nawe muri uyu muhango wo kwibuka abakozi bakoreraga uyu muryango, yavuze ko bo nk’umuryango utegamiye kuri Leta nabo bari gushyiramo imbaraga nyinshi mu kugira uruhare mu kurwanya ipfobya nihakana rya jenoside ndetse bakanifatanya n’abanyarwanda muri rusange muri ibi bihe byo kwibuka ari naho bashakishije amazina y’abari abakozi bayo bazize jenoside ngo nubwo bose amazina atarabasha kuboneka kugeza ubu hamaze kuboneka 12 ariko nabandi baracyari kubashakisha banegera imiryango yabo.

Yagize ati” Twe ubu icyo turi gukora nk’umuryango utari uwa Leta, ni uguharanira kubahiriza uburenganzira bwa muntu kuko abatutsi bishwe bavukijwe uburenganzira bwabo bwo kubaho. Ubu ibikorwa dukora, gahunda dupanga cyangwa ibiganiro dutanga, turabanza tukareba ko bishingiye ku kubahiriza uburenganzira bwa muntu, twasanga hari uwavukijwe uburenganzira runaka, tukamufasha tukanamukorera ubuvugizi cyangwa nawe akikorera ubuvugizi ariko yamenye inzira ari bucemo”.

Muri uyu muhango wo kwibuka kandi hanasomwe amazina yabazize jenoside bakoreraga Aid et Action aribo.
1. Innocent KAMANZI
2. Jean Baptiste MUNYANKINDI
3. Charles KARANGWA GAKOKO
4. Jeanette MUKAMUGANGA
5. Jean Baptiste RUTAREMARA
6. Jean Pierre KAREMERA
7. Deo KALISA
8. Faustin NDAMAGE
9. Epimaque RURANGWA
10. Charles KABILIGI
11. Viateur MUKWIYE
12. Vital BAZIKI
Hakaba habayeho gufata akanya ko kubasengera no kubibuka

David Mwesigwa waruhagarariye CNLG muri uyu muhango

Josephine Uwamariya umuyobozi wa ActionAid mu Rwanda

Umuhanzi Mariya Yohana nawe yari yitabiriye uyu muhango wo kwibuka

(Hagati) Mukantagara Tereza watanze ubuhamya bwuko yarokotse Jenoside



feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru