Tuesday . 15 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Abantu barenga 26 baguye mu gitero cyagabwe kuri imwe mu mahoteli muri Somalia

Saturday 13 July 2019, by : MUTESI Scovia
    Yasomwe na

Abantu bagera kuri 26 baraye bishwe mu gitero cyakozwe kuri hoteri yo mu gace ka Kismayo mu majyepfo ya Somalia.

Muri icyo gitero cy’ubwiyahuzi, imodoka yari yuzuye amabombe nibwo yageze kuri hoteli yitwa Asasey mu karere ka Kismayo ihita iturika. Insoresore zari zitwaje intwaro zikaba zahise zinjira muri iyo hoteli.

Mu bishwe hakaba harimwo umunyamakuru w’umunya Canada ufite inkomoko muri icyo gihugu cya Somalia, Hodan Naleyah, n’umugabo wiwe, hamwe n’abandi banyamahanga.

Umutwe wa Al-Shabab ugendera ku matwara y’idini rya Islamu ukaba wahise wigamba icyo gitero.

Igihe icyo gitero cyabaga, harimwo abanyepolitike n’abahagarariye imiryango (chefs traditionnels) bari muri iyo hoteri baganira ku byerekeye amatora y’akarere ateganyijwe.

Ababibonye bavuga ko amasasu yumvikanye muri iyo hoteri inyuma y’aho iyo modoka yuzuye amabombe iturikiye.

Hussein Muktar, umwe mu batangabuhamya babonye ibyabaye yagize ati: "Muri hoteli hariyo akaduruvayo, nabonye imirambo myinshi yarimo iratwarwa kandi nabonaga n’abantu benshi bahunga inyubako nyinshi zituriye iyo hoteli”
Umwe mu bakuru b’inzego z’umutekano, Abdi Dhuhul, yabwiye ibiro ntaramakuru AFP ko mu bapfuye harimwo uwahoze ari minisitiri w’ubutegetsi bw’igihugu, hamwe n’umushingamategeko.

Uwo mutwe wa Al-Shabab ukaba wari warirukanywe muri iyi ntara ya Kismayo mu mwaka wa 2012, kuva icyo gihe iyi ntara iakaba yararangwagamo umutekano.
Abarwanyi b’uwo mutwe kandi bakaba bakomeje gukora ibitero ku murwa mukuru Mogadishu, nawo usanzwe urinzwe bikomeye n’ingabo z’umuryango wa Afrika yunze ubumwe.

By Imfurayabo Pierre Romeo

Inkuru ya BBC

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru