Tuesday . 15 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Abo amateka agaragaza ko basigaye inyuma barasaba abandi banyarwanda kubategereza mu rugendo rw’iterambere

Friday 26 July 2019, by : MUTESI Scovia
    Yasomwe na

Yanditswe na: Imfurayabo Pierre Romeo

Abo amateka agaragaza ko basigaye inyuma, babona bitewe n’ubuzima babagamo bigoye kuba bahita bagendera umujyo umwe n’abandi banyarwanda bakaba bifuza ko abandi banyarwanda bagomba kubategereza ngo bajyendane intambwe kuyindi.

Mu nama yahuje imiryango ishyigikira ikanakorera ubuvugizi abo amateka agaragaza ko basigaye inyuma kuri uyu wa gatanu kuri Hoteli Scheba, hagaragarijwemo byinshi bikubiyemo ubushakashatsi bwakozwe bugaragaza imibereho y’abo amateka agaragaza ko basigaye inyuma.

Binyuze muri film mbara nkuru (Documentaire) Byagaragaye ko hari bamwe muri aba bakibayeho mu mibereho iciriritse nko kuba hari imiryango ikiba mu mahema ndetse ugasanga hari naho bigaragara ko nta gikoresho na kimwe ushobora gusanga mu nzu yabo uretse inkono zikozwe mu buryo bw’ibumba ariko ibindi bikoresho bijyanye n’iterambere rigezweho ari nk’inzozi kuri bano.

Film mbara nkuru yakozwe mu mwaka wa 2018 muri tumwe mu turere tugize intara zose z’U Rwanda, ku bantu 380 bwagaragaje ko nta numwe muri aba wigeze yiga kaminuza uwize cyane muri aba akaba byibura akaba yararangije amashuri yisumbuye.

Ubu bushakashatsi bunyuze muri filimi mbara nkuru bukaba n’ubundi bwari bwarigeze gukorwa mu mwaka wa 2008, kuva icyo gihe kugeza 2018 haciyemo imyaka 10 ubushakashatsi bundi bwakozwe bwazanye ibisubizo bimwe n’ibyo mu mwaka wa 2008, bigaragaza ko nyuma y’imyaka 10 yose nta mpinduka ku mibereho y’aba baturage amateka agaragaza ko basigaye inyuma.

Aganira n’umunyamakuru wa mamaurwagasabo.rw, Musabyimana Yvone uyoboye COPORWA, umuryango nyarwanda utari uwa leta uharanira inyungu n’iterambere ry’abo amateka agaragaza ko basigaye inyuma, avuga ko badahwema gukora ubuvugizi ngo byibura barebe ko ubuzima bw’abo bavugira buhinduke, nko kuva mu mazu y’ibyatsi, amahema cya utururi, ariko kugeza nanubu ntakirakorwa.

Yagize ati “Birababaje ariko ikibabaje kurushaho, nuko ibi bigaragara no mu turere tugize n’umujyi wa Kigali nko mu karere ka Gasabo nkuko mwabibonye muri film mbara nkuru. Abana babo ntibiga, kwivuza biragoranye, nta sahani, nta safuriya nukurira ku rujyo bagatekera mu nkono y’ibumba”

Yakomeje avuga ko iyo bakora ubuvugizi banyura muri Minaloc ariko n’ubundi ngo nta mpinduka nini, gusa anavuga ko impamvu bishobora kuba bidahinduka ari uko niyo bakoze inama nkizi batumira inzego za Leta bireba ariko ntibabashe kwitabira.
Niyomugabo Ildephonse, ni umuyobozi w’umuryango Hope for Community Development, by’umwihariko akaba anayobora umuryango w’abasangwabutaka b’Afrika yo hagati hano mu Rwanda.

Yavuze ko imibereho bitewe n’imibereho biberagamo bigoye kuvuga ko bahita basubizwa mu buzima twakwita ubugezweho abandi banyarwanda babamo kuko ntabwo bari bari ku rwego rumwe rw’imibereho n’uburyo bakoraga ngo babone ibibasheho butandukanye n’ubwo abandi banyarwanda bakoreshaga.

Yagize ati ” Yewe, ntitubyibagirwe ko iba abantu bari abahigi batunzwe no guhiga no gusoroma, ntabwo wamubwira ngo naze ahite ahinga anorore ntazbishobora kuko sibyo yamenyereye, nunamuha ubwisungane mu kwivuza ni byiza uzaba umugiriye neza, ariko ntiwirengagize ko uwo uhaye ubu bwisungane mu kwivuza yari yaramenyereye kwivura akoresheje ubuvuzi gakondo, aha rero hakenewe no kubanza ku mwigisha by’umwihariko ngo agendere umujyo umwe n’abandi”.

Aba amateka agaragaza ko basigaye inyuma, bakaba bagaragaza ko bagihura n’ibibazo bishingiye ku ihohoterwa, kutitabwaho kimwe n’abandi mu gihe bagiye kwaka serivisi ahantu hatndukanye, kubasebya, kubita amagambo atagikoreshwa, kuba bashyirwa mu byiciro by’ubudehe bihuye n’iby;abandi kandi bo bafite ubukene bukabije n’ibindi bitandukanye bakorerwa babona ko aribyo bibadindiza mu iterambere no kugira imibereho myiza bakagombye kuba bafite.

Mugisha Jackson, waruhagarariye ikigo cy’igihugu gifite mu nshingano zacyo gushyira mubyiciro by’ubudehe abanyarwanda, avuga ko iyo hari gahunda ya leta yabayeho yo gufasha abantu bakennye igiye gushyirwa mu bikorwa hatabaho ivangura bafasha bose ndetse na bano ubufasha bubageraho gusa ngo hakaba hari bamwe muribo bakitinya bigatuma biheza mu mirimo imwe nimwe yakabaye ibateza imbere mu gihe baba bafshe umwanzuro wo kuyikora.

Yagize ati “Bariya bavandimwe, nabo ni abanyarwanda nk’abandi, banakorewe iby’ibyiciro by’ubudehe nk’abandi banyarwanda, icy obo bagakwiye gukora ni ukwisanga muri gahunda yo kugabanya ubukene, urugero nka gahunda ya VUP ntivangura kuko nabo ibageraho, kandi hari n’abahabwa amafaranga y’ingoboka ahubwo icyo nasaba iyi miryango ibahagarariye, ni ukubakangurira kutitinya no kwisanga mu bandi banyarwanda kandi ufite ingufu agakora mu buryo bwo kwishakamo ubushobozi, abumva bakora business nabo bakaka inguzanyo icyo twakibafashamo.”

Muri 2018, umubare w’abanyarwanda wagaragazaga ko bageze hejuru gato ya miliyoni 13, naho abo mu kiciro cyabo amateka agaragaza ko basigaye inyuma bari ibihumbi 36 bitandukanye cyane n’ubushakashatsi bwakozwe 2016 bwagaragazaga ko abo muri iki cyiciro bari ibihumbi 37. Bihita byumvikana ko umubare w’aba bantu wgabanutseho 1000 mu myaka ibiri bity obo babona ko bari kugabanuka kubera imibereho mibi bakaba bsaba Leta ko yabafasha nkuko ifasha abandi banyrwanda muri rusange, ariko ikanabafasha by’umwihariko muri gahunda zitandukanye.

Mamaurwagasabo.rw

feature-top
feature-top

Any message or comments?