Sunday . 21 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Bigizi Gentil uririmba indirimbo zo guhimbaza Imana yapfushije umwana

Thursday 10 January 2019, by : MUTESI Scovia
    Yasomwe na

Abagize umuryango w’umuhanzi Bigizi Gentil wamamaye mu ndirimbo zo kuramya no guhimbaza Imana ndetse n’inshuti ze bari mu kababaro ko kumva inkuru ibabaje y’urupfu rw’umwana wa Bigizi Gentil wapfuye arimo kuvuka.

Mu gitondo cyo kuri uyu wa 10 Mutarama ni bwo hamenyekanye inkuru y’akababaro yuko Umufasha wa Bigizi Gentil yibarutse umwana agahita apfa arimo kuvuka. Byabereye ku bitaro bikuru bya Kaminuza bya Kigali (CHUK).
Aya makuru yemejwe n’umuhanzi Bigizi Gentil ndetse avuga ko umufasha we ari muzima nubwo ari mu kababaro.

Bigizi Gentil mu kumenyekanisha aya makuru yagize ati: “Twabyaye umwana ariko apfuye arimo kuvuka.”
Yakomeje avuga uko ubuzima bw’umufasha we buhagaze agira ati: “Madamu bamubaze nyuma yuko yari amaze kubyara kubera ko iya nyuma yari yatinze cyane. Arababaye ariko ni muzima.”

Nubwo uyu muhanzi ababajwe n’ibyago byamubayeho, yanagaragaje gukomera mu mutima. Ati: “Nubwo dufite amakuba y’impande zose, ariko ntidukutse imitima.”
Bigizi Gentil benshi bamuzi mu ndirimbo ye yise “Imvugo yiwe ni ihame” yakunzwe n’abanyarwanda benshi.

Uyu muhanzi avuga ko yahimbye iyo ndirimbo nyuma yuko Imana imusezeranyije ko izamuha umwana w’umuhungu kandi ikabisohoza mu gihe umugore we yari yararwaye kanseri y’inkondo y’umura ndetse n’abaganga baramubwiye ko atazigera abyara na rimwe.

Kanda iyi link wumve ubuhamya bwa Bigizi Gentil asobanura uko imana yakijije umugore we kanseri:
https://youtu.be/GS6gaY-3e04

Src/Ibyishimo.com

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru