Wednesday . 21 October 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Covid-19: Nyagatare abagore n’abakobwa bakoraga mu tubari na Hoteli barasaba ubufasha, akarere nako kati“ Bashake indi mirimo bakora.”

Friday 11 September 2020, by : MUTESI Scovia
    Yasomwe na

Abagore n’abakobwa bakoraga mu tubari mu karere ka Nyagatare baganiriye n’ikinyamakuru Mama u Rwagasabo, bavuga ko icyorezo cya Covid-19 cyahungabanyije imibereho yabo, bagasaba akarere ko kabatabara kakabaha inkunga kuko ubuzima bubakomereye.

Umwe mubo twaganiriye twahaye izina Leya, ni umbyeyi w’abana babiri, atuye mu murenge wa Nyagatare, aragereranya uzima we n’umuryango we bari babayemo, Hoteli yakoragamo itarahagarika imirimo kubera icyorezo cya Covid-19.

Yagize ati“ Mfite abana babiri b’abanyeshuri, umwe yigaga mu mashuri yisumbuye mu mwaka wa gatatu, n’undi wigaga mu ishuri ry’incuke mu kiciro cya Gatatu, ubu twese turicaye mu rugo.
Nishyuriraga abana nkishyura n’inzu tubamo,tukanabaho mu buzima busanzwe,none turagowe pe.”

Guhagarikwa kwa Serivisi z’amahoteri uyu mubyeyi yakoragamo, byatumye n’umukoresha we ahagarika amasezerano y’akazi, avuga ko ari nabwo ubuzima bwatangiye kuba bubi.

Aragira ati“ Taliki 19 Werurwe, baduhaye amabaruwa yo kuba duhagaritse gukora, kandi mu byukuri akazi nakoraga niko kari kantungiye umuryango.
Niba abana barabonaga icyayi mu gitondo n’umugati, none bageze aho Babura n’akawunga ko kurya,jye nk’umugore utunze urugo ubuzima buratugoye.Mu by’ukuri ntabwo tubayeho mu buzima bwiza, keretse kuba nahamagara nk’umuvandimwe ufite ubushobozi akagira ikintu anyoherereza.
Bijyeze kudufashisha ibyo kurya, ariko byaje ishiro imwe, mu by’ukuru dukeneye ubufasha.”

Kamugisha Janet, yahoze acuruza akabari muri Centeri ya Rwimiyaga mu murenge wa Rwimiyagamu karere ka Nyagatare, avuga ko akabari kamaze guhagarara yahise yirukana abakozi.
Yagize ati“ Bitewe na Covid-19 twahise duhomba, akabari kacu kari gafite abakiriya, kuburyo nakoreshaga abakozi b’abakobwa batanu, ariko leta yadusabye kugahagarika kubera covide, nanjye babakozi ndababwira barataha kuko nta kazi kari gahari , ubu ntekereza ko bari mu buzima bubi, kuko bagikora hano hari ibyo bicyemurira.”

Aba ni bamwe mu bandi benshi, mu bice bitandukanye by’akarere ka Nyagatare bakoraga mu mahoteri, n’utubari.

Murekatete Juliet, umuyobozi w’aka karere wungirije ushinzwe imibereho myiza, avuga ko abahoze bakora mu tubari tugafunga, bafashishijwe nk’abandi batishoboye, bityo ko bashaka n’indi mirimo bakora.

Aragira ati“ Baratugannye kandi twarabafashije dufatanyije n’abaterankunga tugiye dufite mu karere, ndetse n’akarere ubwacu twabitayeho kuko ni abaturage bacu, ariko hari n’abasabye kwisubirira iwabo Covid-19 igitangira, imodoka ntizajyendaga, ariko twasabye uruhushya Polisi y’igihugu irabaherekeza barataha.

Abakiri muri Nyagatare n’abasubiye iwabo, twabashishikarije gushaka indi mirimo bakora, hirya no hino hari ibyumba by’amashuri birimo kubakwa, henshi barimo gukora akazi kubuyedi kuko hari n’aho dusabwa gushyiramo abagore benshi, abandi barakora ku mihanda. Nta muntu wabuze icyo akora n’iyo batugannye tubagira inama.”

Kuva icyorezo cya Covid-19 cyajyera mu Rwanda, bamwe mu bagore n’abakobwa bo mu karere ka Nyagatare bari batunzwe n’akazi ko gukora mu tubari no mu mahoteri bimaze guhagarikwa, ni bamwe mu bahise bagaragarwaho n’ingaruka z’uko akazi bakoraga katagikomeje, cyane ko muri izi Serivisi zongeye gukora, abasubiye mu kazi bagizwe n’umubare muto wo mu mahoteli mugihe utubali tugifunzwe kugeza ubu.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru