Tuesday . 15 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Gutinya igitekerezo gishobora gukurikira ibyo avuze ni kimwe mu nzitizi zituma abagore baba bake mu gukoresha imbugankoranyambaga

Thursday 22 August 2019, by : Imfurayabo Pierre Romeo
    Yasomwe na

Abagore benshi bakunda gukoresha internet n’imbuga nkoranyambaga gusa abenshi banga gushyiraho ibitekerezo byabo cyangwa amafoto kubera gutinya ibitekerezo (Comments) Zishobora gukirikira ibyo bamaze gushyiraho (Posts).

Ibi bikaba byagaragarijwe mu nama yahuje abanyamakuru n’inzego bwite za Leta nka Migeprof na RIB ndetse n’abandi bagore baharanira ubwisanzure n’iterambere ry’umugore. Iyi nama ikaba yarateguwe n’ihuriro ry’abagure bahuriye ku mwuga w’itangazamakuru ARFEM bafatanyije n’inama nkuru y’igihugu y’itangazamakuru MHC, ihuriro ry’umuryango w’abanyamakuru ARJ ndetse n’urwego rugenzura abanyamakuru RMC.

Mu byarebeweho muri iyi nama ni nko kureba igituma abagore bakiri bake mu gukoresha imbuga nkoranyambaga nka youtube, tweeter n’ibindi mu gutanga ibitekerezo byabo ndetse nuburyo hashobora gukumirwa ibyaha bikorerwa kuri interneti byumwihariko ibihohotera umugore n’umukobwa.

Mubyagaragaye bituma abagore bakiri bake mu gukoresha internet ni nko kubura ubushobozi bwo kugura ibikoresho nka telefoni cyangwa kutabona amainite, kuba bamwe muribo batazi gusoma no kwandika ariko hanagaragaye ikibazo cyo kuba bamwe batinya ibitekerezo (Comments) bishobora gutangwa nyuma yuko bagize icyo bashyira kuri internet (Posts)

Peacemaker MBUNGIRAMIHIGO, Umuyobozi mukuru w’inama nkuru y’igihugu y’itangazamakuru yagarutse ku kurwanya ihohoterwa rikorerwa umugore binyuze ku mbuga nkoranyambaga.

Peacemaker umuyobozi wa MHC

SHEMA waruhagarariye RIB muri iyi nama mu ishami rishinzwe ry’ibyaha by’ikoranabuhanga yavuze ko. Hari abakora ibyaha batabizi bakoresheje ikoranabuhanga gusa bakaza kubona ingaruka zabyo nyuma.

Naho MURENGERA BOSCO waruhagariye ministeri y’umuryango (MIGEPROF} yagarutse ku nkingi 4 bafata zigize umuryango kandi hari na politiki zishyirwaho mu gushyigikira izi nkingi ariko yibanda ku nkingi igamije iterambere ry’umuryango kuko umuryango utatera imbere hakiriho ihohoterwa rikorerwa umugore n’umukobwa cyane ko urikora ari umuhungu cg umugabo.

Yakomeje avuga ko Migeprof ikibona imbogamizi ariko nanone hari ibyagezweho bikwiye kwishimirwa mbere ya byose nko kuba mbere ntana bake bakoeshaga internet.

Yagize ati “Nubwo imibare ikiri hasi ku bagore bakoresha ikoranabuhanga hakaba hari nabakibangamirwa ariko byibura hari na bake bahari bari kuyikoresha”.
Yakomeje agira ati”Mbere na mateko yarahari yarahezaga, urugero 2006 hasohotse itegeko rya GBV rihana rikanakumira ihohotera ry’umugore ngira ngo muzi ibihano biriho uko binaremereye”

Ku ruhande rwiyi minisiteri y’umuryango, imbogamizi zihari ni izishingiye ku byiciro bitandukanye by’imyaka kuba abakuze nta bumenyi bafite ku ikoranabuhanga bityo bigatuma batamenya uburenganzira bwabo, Kutabasha kubona ibikoresho byo gukoresha muri iri koranabuhanga rya interneti.

Agaragaza ingamba bafite nka Migeprof, yavuze ko bafite Smart Rwanda master plan iyobowe na ministeri yikoranabuhanga igamije guteza umugore imbere mu ikoranabuhanga, gusa avuga ko kongera umubare w’abagore bakoresha ikoranabuhanga rya internet ari byiza ariko hakabaho kumenya no guha agaciro umuco n’ubuzima bwite bw’umuntu no kwihagaciro umuntu akamenya ikimukwiriye.

SHEMA waruhagarariye RIB yakomeje avuga ku byaha bibangamira abagore byagiye bigaragara agira ati “ Gutanga comments ku ifoto uko wiboneye, gukora photoshop y’umukobwa ukamwaka amafaranga nibyo bigaragara cyane, gusa hari ingingo ya 35 yo mu gitabo cy’amategeko kigena gufungwa hagati y’amezi 6 n’imyaka 2 ku wakoze iki cyaha kandi hari indi ngingo yo gutangaza ibihuha nko gufata ifoto y’umuntu ukayivugaho ibintu bitaribyo iyi ngingo igena igifungo hati y’imyaka 2 n’imyaka 5.

Yakomeje agira ati “Ubundi buryo bw’ihohotera rya internet ni irishingiye mu ngo ryagaragaye ni nk’igihe umugabo n’umugore babanaga bakifotora bambaye ubusa nyuma bazatana umwe akabishyira kuri social media, ikibazo duhura nacyo nka RIB kiba kumenya ngo ninde wabishyizeho ndetse ibi biba no mu rubyiruko hagati ya couple umwe agasebya undi kubera ifoto bifotoje bambaye ubusa.

Ikindi yagarutseho ku byaha byihohotera rikorerwa umugore n’umukobwa kuri internet ni kumwe usanga umuntu afite boyfriend ku mbuga nkoranyambaga cyangwa gukundana n’umuntu utazi bikarangira bakwibye. ubujura, kugutera ubwoba.

Yagize ati “ Nubwo ibi bikigaragara ariko turabakurikirana ndetse hari abo dufata. Ikindi kibazo mwavuzeho, ibyaha byikoranabuhanga nta mipaka bigira hari ababa mu bihugu byo hanze bahora bavuga nabi urwanda nabanyarwanda, guceceka ntubakurikirane bituma babona aba followers gusa abenshi turi gushaka ibihugu baherereyemo tuzafatanya na Interpol ntibagire ngo tuba twararekeye aho.

Juliet uharanira iterambere ry’umugore yagarutse kucyo uruganda rukora rukanenga inzoga Sckol ruherutse gushyira hanze rwamamaza ibicuruzwa nyamara bibangamiye umugore anavuga ko akenshi ibintu nkibi iyo bibaye usanga hari n’abanyayamakuru bahita bihutira kubitanga ahandi nk’inkuru nyamara bakihutiye guhita babirwanya.

RIB yavuze ko bamaze kwakira ibirego 5 umwaka ushize muri bo 3 bagejejwe mu nkiko naho uyu mwaka bakaba bamaze kwakira ibirego 8.

INGABIRE Egidie Bibio Umuyobozi w’ihuriro ry’abagore babanyamakuru ARFEM , yavuze ko hakwiye kuba ubwubahane mu itangazamakuru kugira ngo ijwi ry’umugore ryumvikane ndetse abakoresha imbugankoranyambaga (social media) nabo bakamenya gukoresha (content) zubaka abantu byumwihariko abakoresha youtube bakirinda gukoresha izina ry’umugore mugushaka abasoma inkuru zabo (views), nkuwasambanye inshuro nyinshi, uca inyuma umugore we bikamuhira n’ibindi bikajya mu nyungu by’umunyamakuru ariko bikica izina ry’uwo yakoresheje.

Ingabire Egidie Bibio ibumoso

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru