Monday . 27 January 2020

INKURU ZIGEZWEHO

  • 4 June 2019 » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Ibibazo ingimbi n’abangavu bagihura nabyo ku buzima bw’imyororokere biterwa no kudahabwa amakuru yizewe

Saturday 23 November 2019, by : MUTESI Scovia
    Yasomwe na

By Imfurayabo Pierre Romeo

Umuryango utari uwa Leta Save Generations Organization kubufatanye n’akarere ka Gasabo n’ibigo by’amashuli G.S Kabuga na Ndera habayeho ibiganiro bigamije kurebera hamwe ibibazo bishingiye ku buzima bw’imyororokere abangavu n’ingimbi bahura nabyo.

Ibi biganiro byitabiriwe, n’abayobozi bahagarariye inzego zibanze, abahagarariye police n’urwego rw’igihugu rw’ubugenzacyaha, uhagarariye ikigo cy’urubyiruko cya Kabuga ari naho ibiganiro byabereye, abanyeshuri, abarezi n’ababyeyi barerera mu kigo cya G.S Kabuga na NDERA bafite abana bahuguwe na Save Generations Organization.

Ibi biganiro, bikaba byaje bikurikira amahugurwa atandukanye ku buzima bw’imyororokere, yahawe abanyeshuli, ababyeyi, abanyamadini ndetse n’abarezi mu rwego rwo kongerera ubumenyi ingimbi n’abangavu bahabwa amakuru yizewe ku mihindagurikire y’imibiri yabo.

Muri ibi biganiro hagaragajwe ibibazo bitandukanye abangavu n’ingimbi bahura nabyo nikibitera, muribyo hakubiyemo nko kuba abakobwa baterwa inda z’imburagihe akenshi bituma bahita batakaza n’amasomo yabo mu gihe umuhungu uteye iyo nda nawe ahita ata ishuri agatoroka mu gihe ari umunyeshuri.
Gusa umusheri waruhagariye abandi akaba agaragaza ko nubwo ingimbi n’abangavu bagihura nibi bibazo ariko ahanini bishingiye kukudahabwa amakuru ahagije y’ubuzima bw’imyororokere, kutitabwaho n’ababyeyi ngo usanga akenshi batakibabonera umwanya ndetse no kudahabwa serivisi aho bakagombye kuzibonera nko kubigo by’urubyiruko.

Umuyobozi w’ikigo cy’amashuri waruhagariye abandi, nawe akaba avuga ko ibyinshi mu bibazo bn’ingaruka zigikurikirana ingimbi n’abangavu ziterwa n’ibishuko bahura nabyo by’umwihariko abakobwa aho usanga bashukwa n’abashoferi, abakwaferi n’abaturanyi, abanyeshuli ubwabo mu rukundo rudafite intego birangira batwaye inda zitifuzwa cyangwa bakanandura indwara zishingiye ku mibonanono mpuza bitsina nka SIDA nizindi.

Akomeza anagaragaza ko icyatumaga inda zimburagihe ziyongera aruko nko mu bigo by’amashuri akensh wasangaganga nta cyumba cy’umukobwa kihabarizwa, bityo yahura n’ikibazo agashaka kujya kugikemurira hanze yikigo ari naho yahitaga ahurira n’ibishuko.

Ushinzwe uburezi mu murenge wa Kabuga we; akaba abona ko Atari gutwara inda gusa, ahubwo ugize ibyago agatwara inda rimwe haba habonetse n’ikindi cyuho cyo gutwara nizindi kandi abenshi bikunda kubaho bakaba bakomoka mu miryango ikennye usanga bihita biteza umwiryane mu miryango nko, gucunaguza uwatwise no kutamwakira mu muryango akaba abona ibiganiro bidakwiriye gutangirwa mu mashuri gusa ahubwo bigatangirwa no mu nsengero n’ahandi hose hahurira abantu benshi.

Umugore uhagarariye abandi we yagize ati “Umuco waracitse, Abana ntibagicyahwa, umubyeyi ntakiri ijisho rya mugenzi we, hari igitutu cy’ababyeyi, aho usanga uwafashe umwangavu ku ngufu afungwa ariko mu gihe gito agafungurwa”.
Nko kumusubiza, uwaruhagarariye police n’urwego rw’ubugenza cyaha mu ngero zitandukanye, yagaragaje ko hakiri ababyeyi bahishira abagizi ba nabi bitewe n’inyungu babifitemo aho usanga umubyeyi ahawe amafaranga ngo ye kujya kurega uwahohoteye umwana we rimwe na rimwe bajya no mu rukigo ntabe umutangabuhamya cyangwa bagahungisha umwana ngo uwamuhohoteye akunde abura umushinja.

Yakomeje agira ati “ ababyeyi ntibamenya ko abana babo batangiye gukura bakumva ko bakiri abana ntibabahe amakuru ku buzima bw’imyororokere bakazisama bageze mu kigero batabitinyuka”.

Yanagarutse ku bijyanye no guhana bana ngo nuko bakosheje cyangwa bafatiwe mu ngeso mbi aho yagize ati “Guhana umwana utamukubise niyo nzira nziza kuko gukubita no gukomeretsa bihanwa n’amategeko, ahubwo hagakoreshwa gucyaha ku munwa. Si mu ngo z’abakene gusa hagaragara abana batwara inda bakiri bato no mu ngo z’abakire hari ibyateye bya house na sexy party aho abana bakora ibirori byo gusambana gusa rimwe na rimwe amafaranga banayahawe n’ababyeyi babo”.

Undi mubyeyi watanze ubuhamya yagize ati “ Njyewe nakira abanyeshuli, urubyiruko tuganira ku bibazo bibugarije, amakuru batajya bababwira njye barayampa, ariko ikibazo aho giherereye si ukudahabwa amakuru ajyanye n’ubuzima bw’imyororkere, ikibazo aho kiri nuko nuyafite iyo bigeze mugihe cy’imibonano mpuzabitsina bimera nkaho atigeze amenya ayo makuru agasa na wawundi utarayahawe, rero igikenewe hano ni ukwigisha abana kumenya gufata umwanzuro”.

IBYAMAZE KUGERWAHO NYUMA Y’AMAHUGURWA

MU MADINI : Bishop avuga ko mu madini bari kwigisha abasore guharanira kugumana ubumanzi bwabo naho abakobwa bagakomeza gusigasira ubusugi bwabo . Kandi bakaba bari kubikurikiza. Icyibanzweho mbere y’ibindi byose ni ukubwira urubyiruko rw’ingimbi bahabwa amakuru ya nyayo agendanye n’ubuzima bw’imyororokere birinda ibihuha.

Byatanze umusaruro kuko babona ubuhamya butangwa n’abahuguwe muri buritsinda haba abakuze, urubyiruko, abagore n’abagabo urugero yagaragaje ni nko kuba mu ngo nyinshi abana baratereranwaga bakarerwa n’abakozi gusa ariko bikaba byarahindutse.

Ushinzwe uburere muri GS KABUG yagize ati “ Usibye abahuguwe na SGO, bahuguye n’abandi birenga club ya SGO bigera kuri group ya happy generation, abana baritinyutse bakaganira ya makuru ndetse nabo bagiye bakora ubuvugizi mu bandi. Hari abana bagaruwe mwishuli kubera abari muri club, habayeho kwipisha ku bushake indwara zandurira mu mibonano mpuzabitsina. Hinjijwemo abagizweho ingaruka n’ubuzima bw’imyororokere nk’abafite ubwandu bwa virusi itera Sida, twanakoze ikinamico irimo ibibazo byose byibazwa tuzajya dukina mu rwego rwo gutanga amakuru”.

Umubyeyi waruhagariye abandi bafite abana bahuguwe na SGO yagize ati “Umwana wanjye aba muri club, nyuma yo guhugurwa mbona yarahindutse, yatangira kugira isuku, yatinyutse kujya ambaza ibibazo bishingiye ku buzima bw’imyorororkere, asigaye yita kubandi bana babana. Ntarajya mu mihango arko, azatangira kujyamo afite amakuru yose!

VANESSA umunyeshuri wa GS KABUGA waruhagarariye abandi yagize ati “Kugiti cyanjye byatumye nitinyuka, nigirira icyizere numva ko ntagomba kuzashaka umugabo w’umukire, ahubwo nzaba umugore w’umukire, twize gutekereza kure kurenza kureba ibiri hafi, hari itandukaniro hagati y’umunyeshuli uri muri sgo club nutayirimo muri presentation yaba iyo hanze ndetse no muri classe kubera twamenyereye guhagarara imbere y’abantu.

Muri rusange abitabiriye ibi biganiro bakaba baragaragaje ibibazo bakibona mu ngimbi n’abangavu bishingiye ku buzima bw’imyororokere, imbogamizi bagihura nazo mu gihe cyo guhugura abandi ndetse n’ingamba zigomba gufatwa ngo ayamahugurwa akomeze gukorwa neza no kugera kuri benshi harimo no kongera umubare w’abana mu matsinda atandukanye no mu bigo bitandukanye ngo abahuguwe bakomeze gukora uruhererekane rwo guhugura abandi.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru