Sunday . 21 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Itandukaniro hagati y’umugore w’umuhanga n’umugore w’umunyabwenge

Saturday 1 June 2019, by : MUTESI Scovia
    Yasomwe na

Abahanga mu by’imiterere ya muntu bakusanyije ibitekerezo bashyira hanze ingingo zihurirwaho na benshi zitandukanya umugore w’umuhanga n’umugore w’umunyabwenge.

Mbabwire ko hagendewe ku bisobanuro bigenekereje ubuhanga bushingira akenshi ku bumenyi bwo mu ishuri, ku gushyira imibare mu bikorwa byose, cyangwa mu mahugurwa yo mu buryo butandukanye.

Naho ubwenge bwo bushingira akenshi ku bunararibonye, ku kureba kure, ku burere no ku kwigengesera.

Umugore w’umuhanga : Ibimuranga :

- Iyo umugabo we akosheje ahita amukosora adaciye ku ruhande, akavuga mu ijwi rihita ryereka umugabo we ko akosheje kandi akanamwibutsa ko yari yaramubujije gukora iryo kosa

- Mu gihe cy’ibibazo, yihatira kwereka umugabo we inzira zitandukanye kandi zihutirwa zo gusohoka muri ibyo bibazo kandi akazimwereka yamaze kuziha umurongo n’icyerekezo

- Iyo abana be bageze igihe cyo kwiga, yihatira cyane kubigisha amasomo ajyanye n’imibare akanabahatira kuyiga kugira ngo mu buzima bwabo bwose buzabe ari umubare

- Mu kazi, agerageza kuba indashyikirwa, kudakora amakosa no kwitandukanya kuri buri kintu cyose na bagenzi be

- Yivanga cyane mu buzima bw’abana be bakuru, akanabaha inama nyinshi no ku byo batamusabyemo inama ndetse muri izo nama akabahamo n’amabwiriza y’uburyo bazarera abana babo igihe bazaba barabyaye

- Mu mibanire n’abandi bantu ahora aharanira kweza uruhande rwe ku buryo niyo hari umwe muri bo umuhaye inama ku kintu runaka yumva ari ukumusuzugura no kumwinjirira mu buzima

- Ahora yihatira guhindura isi n’abantu n’ibintu bimuzengurutse : Mbese muri we hahoramo inyota yo gukora ibituma buri wese amwemera, akihatira gufata ijambo hose no muri byose. Amenyekanisha ibyo azi, ibyo akora, ubushobozi afite, gahunda ze zo mu bihe biri imbere... Kandi agashaka kumenyana na buri wese kugira ngo yumve agaragiwe cyane

- Mu kongera ubumenyi bwe araganira cyane na buri wese bahuye , agashaka cyane amakuru ku buzima bw’abandi, ashaka kuvuga kuri buri kintu cyose, kandi agahorana inyota yo kunenga imibereho n’imyitwarire y’abandi cyane cyane abari hasi ye ariko n’abari hejuru ye aba yumva hari ibyo yabakosoraho

- Ahorana guhangayikira ubuzima no gushakisha uko ubuzima bwaba bwiza ku buryo buri wese abibona

- Kubika amarangamutima ye biramugora

Umugore w’umunyabwenge : Ibimuranga :

- Ashyigikira umugabo we muri byose, niyo akosheje ntahita abimwereka ako kanya abanza kwiga ku mvugo akoresha amukosora

- Abona abana be nk’ abashoboye kandi mu biganiro abaha agaharanira kubereka ibyiza abifuriza abatera ishyaka ryo kubiharanira. Iyo bamaze gukura abagira inshuti ze kugira ngo bajye bamuganirirza byose ariko abarekera ubwisanzure kugira ngo bigire ku bifatika by’ingero z’ibibera mu buzima aba yabaganirije

- Mu kazi n’andi matsinda abarizwamo arangwa no kurema ubumwe muri bagenzi be akanabazanamo udushya tw’ibikorwa bishingiye ku rukundo

- Iyo agirwa inama azakirana inseko, kumva atuje kandi akemera inama nziza agirwa akanemera kwikosora

- Ahora yigira ku bandi ibyiza bamurusha, ntiyihatira guhindura abandi no kwemerwa

- Yemeza ko umuntu yishimira icyo yakoze igihe yari yagiteganyije kandi afite impamvu yo kugikora yagitekerejeho

- Ashakisha imibereho atuje ku buryo hari n’abashobora kwibeshya ko ntacyo ari gukora kugira ngo ubuzima bugende neza

- Iyo ahuye n’umuntu akamwereka ko amurenzeho we ahita yishyira hasi ye, akirinda kumwereka ingufu yifitemo

- Amenya kubika amarangamutima ye

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru