Tuesday . 18 June 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Kuba Leta ikeneye kubungabunga ibikorwa remezo by’amazi ndetse no kongera ingano yayo byazamuye ibiciro by’amazi

Tuesday 14 May 2019, by : MUTESI Scovia
    Yasomwe na

By Scovia Mutesi

Kuri uyu wa mbere tariki 13 Gicurasi mu kiganiro n’itangazamakuru , Ikigo gishinzwe kugenzura imirimo imwe n’imwe ifitiye igihugu akamaro (RURA) n’ikigo gishinzwe amazi, isuku n’isukura basobanuye ibijyanye n’ibiciro bishya by’amazi, ngo byashyizweho hitawe kuri buri kiciro Umunyarwanda abarizwamo mu gukoresha amazi.

Ubuyobozi bw’Ikigo ngenzuramikorere mu Rwanda (RURA), Minisiteri y’Ibikorwa Remezo ndetse n’ikigo cy’amazi n’isukura (WASAC), basobanuye uburyo izamurwa ridasanzwe ry’igiciro cy’amazi mu Rwanda riherutse gukorwa, rifite ishingiro kandi ko hari impamvu nyinshi zashingiweho hazamurwa icyo giciro.

Ni ikiganiro cyari cyitabiriwe n’abanyamakuru b’ibitangazamakuru bitandukanye

RURA yasobanuye, ko ibiciro byazamuwe hashingiwe ku mpamvu zitandukanye zirimo kuba Leta ikeneye kubungabunga ibikorwa remezo by’amazi ndetse no kongera ingano yabyo kugirango amazi meza arusheho kugera kuri bose. Umuyobozi mukuru wa RURA yavuze ko ibiciro bihari uyu munsi umuturage aba yiyishyuriye angana na 26.2% naho Leta ikaba iba yamutangiye agera kuri 73.8%.

Mu zindi mpamvu zatumye igiciro cy’amazi kizamurwa, harimo nko kugendana n’agaciro k’ifaranga, kandi ngo ibiciro byagenwe harebwa cyane ku byiciro by’ubushobozi bw’abaturage aho uw’ubushobozi bucye yishyuzwa macye kuko ukoresha amazi menshi nko mu koza imodoka, kuhira ubusitani n’ibindi, biba bigaragaza urwego rw’ubushobozi bw’uwo muturage. Ibi ninabyo bituma ukoresha menshi bamubarira ku giciro cyo hejuru.

Aimé Muzola, Umuyobozi mukuru wa WASAC, avuga ko Abanyarwanda bakwiye kwiga kubungabunga amazi, kuko ngo abenshi basiga abakozi mu ngo bakibagirwa kuzajya bagenzura uko bakoresha amazi. Yagize ati: "Hari abatabyitaho ugasanga amazi hari aho ameneka cyangwa akoreshwa nabi, amazi rwose mureke kuyangiza aho umuntu ajya koza isahane akajya kogereza kumugezi ugasanga ijerekani imwe irashije cyangwa uwo za amenyo agafungura akoza amenyo amazi ameneka aho gushira mugakombe abantu ni biga gucunga amazi neza bazaba bafashije leta nabo bibafasha kwishyura macye ".

Ibiciro bishya bigaragaza ko ukoresha hagati ya litiro 1.000 na litiro 5.000 mu kwezi, yishyuzwa amafaranga 340 kuri meterokibe (litiro 1.000 Ukoresha hagati ya litiro 5.000 na litiro 20.000 yishyura amafaranga 720 kuri meterokibe , ukoresha hagati ya litiro 20.000 na litiro 50.000 ku kwezi we yishyura amafaranga 845

URwanda rwihaye intego yo kugeza kubatura Rwanda amazi ijana kw’ijana mumwaka wa 2024

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru