Tuesday . 18 June 2019

INKURU ZIGEZWEHO

  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more
  • 17 July 2018 » How immigrants helped France win the World Cup – read more
  • 23 April 2018 » Pascal Nyamurinda wayoboraga Umujyi wa Kigali yeguye ku mirimo ye – read more
  • 23 April 2018 » Minisitiri Musoni James Yakuwe Muri Guverinoma – read more

Menya agace gakennye cyane kandi mu gihugu gikize kwisi

Thursday 14 February 2019, by : MUTESI Scovia
    Yasomwe na

Yanditswe na: Imfurayabo Pierre Romeo

Agace ka Escobares ko mu ntara ya Texas muri Leta Zunze Ubumwe za Amerika, niko ka mbere gakenye mu gihugu cy’a Amerika nubwo ari cyo gihugu cya mbere gitunze cyane kw’isi.

Aka gace kari ku nkengero z’uruzi rwa Rio Grande - urubibi rutandukanya igihugu cya Mexique na Amerika - ntikigeze gashyigwa ku rutonde rw’ibiturage bikenye muri Amerika kubera ko gafite abaturage bake ( 2512), kubera kandi ko gafatwa nkagace gato cyane bigatuma batajya akageramo mu gihe cy’ibarura.

Ariko iyo umuntu arebye ibice byinshi bya Leta zunze ubumwe za Amerika bifite byibura abaturage 1000, Escobares ifite ibice 62,4 % by’abaturage bari munsi y’umurongo w’ubukene hagendewe ku bushakashatsi bwakozwe n’ikigo gishinzwe ibarura rusange. (Census Bureau)

"Hari igihe tubura icyo dufungura, ariko Imana iramfasha inshuti zikantumira kwifunguro, ariko sindabikunda," Ibi ni ibivugwa na Debora Hernández, umuturage wo muri Amerika, wavukiye akanakurira mu gace katabamo abashumba abo muri Amerika bita (cowboys), katabamo amatungo, ubusanzwe bifasha abturage batuye mu byaro by’ibihugu runaka kwikenura.

Debora Hernandez n’umukobwa we
Nta cyongereza avuga kandi ntazi no gusoma.
"Nari mfite abana barindwi , batandatu barapfuye uwo nsigaranye ni Berenice, ku bw’Imana muganga yaramurokoye."
None abana bawe bishwe n’iki?

Asubiza yitonze yitsa umutima ati: "Sinzi, sinigeze mbwirwa icyabishe, nta nicyangombwa bampaye, nibaza ko bishwe n’abaganga." Ntabyo azi. Mu byukuri ntazi uko byagenze. Igihe yarakiri muto, yajyanywe kw’ishuli ry’abana bafite ibibazo ariga arangiza amashuli abanza, ariko mu byukuri avuga ko ntakintu yize .
Mu busanzwe Débora ntazi neza ibijya mbere kwisi, we yibanira n’umugabo we udafite akazi kuva mu kwezi k’ukwakira umwaka ushize hamwe n’umukobwa we w’imyaka itatu Berenice.

Inzu Hernandez abamo n’umugabo we n’umukobwa wabo
Inzu babamo irava iyo imvura iguye, indani ubona ibintu bidapanze neza, ariko akizera ko hazagira umunsi ibintu bigahinduka.
"Tugomba kuzava muri bino kandi tukazajya tunabona amafunguro uko tubyifuza." Deborah asubiza umushakashatsi.

Uretse ubucuruzi bukorerwa ku muhanda mukuru wa 83 (rifatanya Laredo na Harlingen, mu kibaya cya Rio Grande), nta kandi kazi gashobora kuboneka i Escobares, bikaba ngombwa ko abaturage bo muri aka gace bajya gushakira akazi mu bindi bice bahana imbibi.

Homero Rosales umuturage wo muri Escobares
Uwitwa Homero Rosales agira ati: "Kuri twe dufite ibyangombwa byo munzira, tujya gushakira akazi mu bice by’iburasira zuba »
Rozales yakomeje agira ati: "Ikibi nukokubera kujya gushakira akazi ahandi, bituma duta imiryango nk’amezi 2 cyangwa 3, ariko na none ni ngombwa ko tubikora kuko tutabikoze ntibarya.

Homero we afite abana bane, agakora mu gace ka Pecos, aho akora urugendo rw’amasaha icyenda uvuye i Escobares, aho bubaka ibigega bya petelore mu burengerazuba bwa Texas. "Nta wukijya kw’ishuli, umuhungu wanjye w’imfura turakorana kubera ko ntaho yabona handi yakora inaha."

Ikarita igaragaza agace ka Escobares
Muri Amerika hari ikinyuranyo kinini hagati y’abakire n’abakene, imibare myinshi itangwa na leta ivuga ko ibice 12.3% aribyo bigizwe n’abantu bakennye aba bakaba bagera kuri miliyoni 40

Mu kiganiro umushakashatsi Rakesh Kochhar yagiranye na BBC yavuze ati: "Abantu benshi bakennye bibereye mu majyepfo y’Amerika."

Amazu menshi yo muri aka gace ni amazu yimukanwa ateye nk’amamodoka

Ama leta akennye kurusha ayandi ni Mississippi, Louisiana na New Mexico, mu gihe, "abantu bafite inkomoko yo muri Espagne hamwe n’abirabura aribo benshi bari mu bakennye," nkuko bikomeza bitangazwa na Kochhar wakoze ubu bushakashatsi.
Mu giturage cya Escobares havugwa ururimi rw’iki Espagnol, abantu baho bakunze ibiryo byitwa tacos, bagakunda umuziki witwa ranchera.

Ushobora gutekereza ko ari agace ka Mexique kari muri Amerika, aho urubibi rutandukanya ibyo bihugu bibiri ari uruzi, Rio Grande.

Umugezi wa Rio Grande ugabanya Amerika na Mexique
Src/BBC

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru