Tuesday . 15 October 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Ngoma: Bakesha byinshi amatsinda yo kubitsa no kugurizanya

Thursday 16 May 2019, by : MUTESI Scovia
    Yasomwe na

By Imfurayabo Pierre Romeo @mamaurwagasabo.rw

Bamwe mu baturage bo mu karere ka Ngoma bafite ubuhamya bw’iterambere bakesha amatsinda yo kubitsa no kugurizanya nyuma y’ubukangurambaga bwakozwe n’umushinga Gikuriro.

Amatsinda yo kubitsa no kugurizanya azwi nka SILC (Saving and internal leanding community) ni bumwe mu buryo abanyarwanda batuye mu ntara zitandukanye bari kwifashisha muri ino minsi, mu rwego rwo kwiteza imbere mu gihe batabashije kujya ku ma banki kwaka inguzanyo. Ibi cyane cyane bikaba bikorwa n’abaturage bari mu cyiciro cya mbere n’icyakabiri cy’ubudehe.

Binyuze mu mushinga Gikuriro ushyirwa mu bikorwa na CRS (Cathoric Realief Services) uterwa inkunga na USAID, bamwe mu baturage bo mu karere ka Ngoma batuye mu mirenge ya Kazo na Zaza, bahawe amahugurwa mu kwizigama ku buryo bugezweho ndetse batangira kubishyira mubikorwa, ku buryo bamwe muribo biteje imbere bahereye ku busa nkuko babigaragaza.

Donata witeje imber binyuze mu itsinda ryo kubitsa arishimira intambwe amaze gutera
Donatha Dusabimana, n’umugore w’imyaka 34 akaba n’umubyeyi w’abana batanu, atuye mu mudugudu wa Kagusa mu murenge wa Kazo. Mu gihe yari afite abana bane yari umuturage usanzwe wo mu cyiciro cya mbere cy’ubudehe utunzwe no guhinga ashaka icyamubeshaho we n’umuryango we.

Avuga ko nyuma yuko haje umushinga wa Gikuriro ukabahuriza hamwe mu matsinda, bakigishwa uburyo bwo kwizigama yatangiye guhindura ubuzima bwe we n’umuryango we.

Aganira n’umunyamakuru wa mamaurwagasabo.rw yagize ati” Nkubwije ukuri mbere yuko Gikuriro igera hano, ntan’ihene narintunze ariko imaze kuduhugura tugatangira kwizigama nagujije ibihumbi 20 mwitsinda nguramo imbata 5, nyuma nyuma zaje kororoka zivamo imbata 40, nyuma naje kuzigurisha imwe ku bihumbi 4000 amafaranga nakuyemo nagujije andi mu itsinda nguramo ndongera nguramo inka y’inzungu ubu ngubu yarabyaye ifite n’inyana”.

Inka ya Donata kuri ubu imaze kubyara inyana imwe

Yakomeje anagaragaza ko kuva yatunga inka byatangiye ku mugirira akamaro bihereye mu bana be. Akomeza agira ati “Iyi nka imaze ku byara abana banjye batangiye kunywa amata urabibona ko bashishe, kandi mu mafaranga narindimo Silc(Itsinda) narabishyuye mbasigayemo ibihumbi 10 gusa”.

Usibye Donata witeje imbere binyuze muri aya matsinda yo kubitsa no kgurizanya, hari n’abandi barimo nka Mukandahindurwa Tereza w’imyaka… akaba n’umubyeyi w’abana 7 nawe utuye mu mudugudu wa Kagusa akagari ka Karama umurenge wa Kazo.

Avuga ko umushinga wa Gikuriro waje ubigisha gukora uturima tw’igikoni ndetse ukabashishikariza gukorera mu matsinda yo kuziga byaje no kuba imbarutso y’iterambere agezeho kuri uyu munsi.

Agira ati “Njyewe ntangiye kwizigama mu matsinda hari umuntu wahishije ishyamba mpita nguza amafaranga mwitsinda ndarimugurira ntangira kujya ncuruza inkwi maze kubona amafaranga ntangira no kujya ndangura ibitoki nkenga imitobe kandi nubu ndacyabikomeje nuko natangiye gutera imbere”.

Akomeza agira ati ” Nageze kuri byinshi pe, kubera kwizigama, nkubu ziriya mbata mubona nizo niguriye binyuze mu itsinda kandi imwe ifite abana ba 7, iriya ngurube nayo nayiguze ibihumbi 60 ndetse niriya hene ubona nayo niyo naguze ifite abana babiri urumva rero ko nakataje mu iterambere”.

Tereza Mukandahindurwa amaze kugura amatungo atandukanye kubera itsinda ryo kuzigama

Ubusanzwe besnhi mu baturage bo muri uyu mudugudu bakaba ngo batunzwe gucuruza ibyo bo bise ubuconco voka, imineke, inkwi, ibifenesi n’ibindi.

Nyamutere Emmanuel, ni umunyamabanga nshingwabikorwa w’umurenge wa Kazo

Avuga ko bishimiye imikoranire myiza y’abafatanya bikorwa nka Gikuriro, bafasha abaturage kandi ufashije umuturage aba ashyigikiye Leta muri gahunda n’ubundi iba iri gushyira mu bikorwa.

Yagize ati ” Mbere yuko Gikuriro igera muri uyu murenge, wasangaga abaturage bahora bataka ubukene ndetse ko nta mafaranga y’igishoro bafite ndetse no mu nama wasangaga batatwumva ahubwo batubwira ko babuze amakayi y’abana babo, ariko aho tumaze kubinjirizamo iriya politiki yo kwizigama dufatanyije na Gikuriro ibintu byarahindutse rwose ntacyiza nko kuyobora abantu ubona bahorana ibineza neza”.

Umunyamabanga nshingwabikorwa w’umurenge wa Kazo akomeza avuga ko icyagaragaye aruko abaturage bataba bakennye ahubwo ikibazo aruko bari bataramenya gahunda yo kwizigama uhereye kuri make kandi ababashije kubikora hari imiryango imwe nimwe yabaga iri nko mu cyiciro cya mbere yagiye isaba guhindurirwa icyiciro ikajya mu cya 2 cyanga 3 kuko yabaga imaze gutera imbere kandi hari serivisi babaga bakeneye nko kwaka inguzanyo mu bigo by’imari batari guhabwa bari mu cyiciro cya mbere.

feature-top
feature-top

Any message or comments?