Sunday . 21 July 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

NYARUGURU: Harasabwa ubufatanye bw’ababyeyi abarezi n’abayobozi ngo hahashywe guta amashuli kwabana

Monday 17 June 2019, by : MUTESI Scovia
    Yasomwe na

Mu karere ka Nyaruguru, hafashwe ingamba ko nta mwana numwe ugomba kuvutswa kwiga ku mpamvu izo arizo zose, kabone nubwo nta mafranga yishuli yaba afite ngo ubuyobozi bugomba kubiganiraho nababyeyi ndetse nabarezi bagashaka uko bikemurwa, ibindi bikazaba bikurikiranwa.

Ubwo yari mu kiganiro nabanyamakuru, umuyobozi wakarere ka Nyaruguru, HABITEGEKO Francois, yavuze ko igikomeye cyane ari ingamba ziba zarashyizweho zo gukumira undi mwana wavuga ngo arata ishuli, aho yavuze ko ubu ngubu hari ifishi iba ku ishuli umwarimu yuzuzaho abana baje no kumenya niba hari umwana wasibye,
yasiba rimwe agatangira kubaza amakuru, kabiri niba arwaye cyangwa atarwaye, byaba gatatu bigahita bijya mu mudugudu uwo mwana aturukamo ngo hamenyekane ikibazo cye.

Mu magambo ye mayor HABITEGEKO ati: nta mwana ubu ngubu kubera kubura minerval, kubera yenda ko atambaye iniforume (uniforme) kubera ko afite ikibazo runaka, igisubizo kiba kumwirukana, niba abuze minerivari (minerval) niba agize ikindi kibazo, abarimu bagomba kutumenyesha nkinzego zibanze noneho natwe tukadilinga(dealing) nababyeyi ariko umwana ari mu ishuli.

Kalinda Yuvenal umwe mu babyeyi twaganiriye bo mu murenge wa Nyagisozi wo muri aka karere, avuga ko hari abana bata ishuli bakibera kudusantere, gusa akavuga ko hakwiye uruhare rwababyeyi ngo abana bagire uburenganzira bwo kwiga. Yagize ati: nanjye mfite umwana wavuye mu ishuli, jyewe namureze no ku bayobozi none ngo azajya kwiga mu gihembwe gitaha, nyine ndamuhata ngo akomeze yige azagire icyo yimarira, cyakora na gitifu yaje kumubwira ngo azasubire kwiga,mbona uburere bwabana bino ari ibintu leta igomba gushyiramo imbaraga bakabakanga bakagendera ku murongo”.

Bagenzi buyu mubyeyi nabo bavuga ko bumva ikibazo cyabana batiga ahanini kireba ababyeyi. Uyu ati: ikibazo cyabana kireba ababyeyi, ahanini nibo bagomba kubashishikariza kujya kwiga, ntako tutagira hariho igihe umuhata akagenda,hakabaho igihe atajya ku ishuli, wowe ukaba uziko yagiyeyo, noneho igihe kikazagera mwalimu akagutumaho ngo uze usobanure impamvu umwana wawe atiga, ukisobanura uvuga ko wari uziko umwana yiga, ubwo nkamucyaha wenda mwalimu ntiyongere kumbwira ko atajya ku ishuli na bagenzi be bakambwira ko yiga.

Umuhoza Josephine, umunyamabanga nshingwabikorwa wuyu murenge wa Nyagisozi avuga ko bagerageza kwigisha abana, ababyeyi ndetse na bamwe mu babakoresha imirimo ishobora gutuma bata ishuli, kugirango barusheho kurwanya uku guta ishuli kwabana. Ati: iki kibazo cyabana bata ishuli bakajya mu mirimo cyangwa bakananirwa inshingano zabo zo kwiga, hari ibiterwa nababyeyi bateshutse ku nshingano, gusa akenshi twigisha abana ndertse nababyeyi iyo hari ikibazo cyagaragaye kuko ubu ishuli rikorana nakagari ndetse bikagera no ku murenge tukamenya abana bataje kwiga muri iki cyumweru ni urugero, iyo tumaze kubona iyo list dutangira gusura abana umwe kuri umwe kandi ntitumusura wenyine, tumususurana nababyeyi, niyo afite intege nke, babandi baba batinya ngo abana babakubita tugerageza kubaba hafi, tugakomeza no kubasura.

Uyu munyamabanga nshingwabikorwa avuga ko hari igihe usanga nkumwana abiterwa\ nimibanire mibi yababyeyi be, aho bigisha ababyeyi bababwira ko imibanire mibi ndetse namakimbirane bishobora gutuma umwana azinukwa ibintu byinshi birimo no kwiga.
Ubuyobozi bwaka karere ka Nyaruguru, buvuga ko batangiye igihembwe hari abana 966 bataye ishuli mu mashuli abanza, bamaze kugaruza 722 hasigaye 274 muri bon go hari abatari mu karere bimukanye nababyeyi babo wenda bimukiye mu tundi turere, mu mashuli yisumbuye abari barataye ishuli ni 298 hamaze kugarurwa 206, 92 basigaye ngo ntibari mu mbibi zakarere kuko uri mu mbibi zakarere baramuhiga bakamugarura nk’uko babyumvikanye nabarimu mu nama yuburezi, ibi ngo bikaba ari ukugira ngo aya mahirwe abana bahawe yuburezi kuri boze adapfushwa ubusa.

Naomi Irakoze Mugaragu.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru