Saturday . 16 November 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Rubavu: Bamwe mu bagore bakora ubucuruzi bwambukiranya imipaka barishimira amarerero bahawe

Tuesday 4 June 2019, by : MUTESI Scovia
    Yasomwe na

Mu murenge wa Gisenyi mu kagari ka Mbugangari hari urugo mbonezamikurire aho bamwe mu bagore bakora ubucuruzi buciritse bwambukiranya imipaka basiga abana kuko ntawe bemera ko ya kwampukana umwana amuhetse.

Iki kigo cyabarindiye abana kungwingira n’indwara ziva kumwanda.

Mutesi Ratifa umwe mu babyeyi basiga abana mu rugo mbonezamikurire mu mudugudu wa Majyambere avuga ko bimufasha mukazi ke.

Yagize ati”twasigaga abana kuri (duwani) kumupaka,twabasigiraga abandi bana twishyuraga 300 ariko ugasanga ntacyo bariye, tukagenda duhangayitse kuko nibyo twasigaga ngo babagaburire ntiwabaga wizeye ko babibaha, ugasanga abana barwaye bwaki.

Ubu ndabyuka nkazana umwana aha bakamunderera nkagenda nizeye isuku ye nibyo ariburye, kandi bifite intungamubiri kuburyo n’ubucuruzi bwanjye bwiyongera, kuko nkora amasaha meshi.

Bitandukanye na kera ubwo twasiganwaga no kugaruka ngo turebe abana kumuhanda aho twabasigaga”.

Umuyobozi w’urugo mbonezamikurire rwo kuruyu mupaka wa Rubavu Mukeshimana Louise yagize ati”hatarubakwa urugo, abana wasangaga bandagaye kumupaka basanabi kuburyo byabateraga nirwara ziva kumwanda n’imirire mibi ariko ubu twakira abana mu gitondo tukabaha indyo yuzuye bakaruhuka n’ubuzima bwabo turabukurikirana kuburyo ntawangwingira, n’ababyeyi tubigisha uko bagaburira abana mu rugo igihe abatabazanye hano”.

Akomeza avuga ko abana bageze mu imyaka itatu boherezwa mukindi kigo kuko baba bamaze gukura bagatangira kwiga, n’ubwo naba bato tubigisha tugamije gukangura ubwenge mu kigero barimo.

Ikigo mbonezamikurire cya madjengo cyakira abana bari mu myaka ibiri nigice.

Umuyobozi wiri rerero Sheikh Giruwonsanga Saidi yagize ati” aha twakira abana bamaze kugera mu myaka nkibiri irenga kugera kumyaka itanu, bariga bagakomeza gukurikiranwa hagamijwe kubarinda imirire mibi no kugirango bakure mugihagararo no mu bwenge, abagore bajya gucuruza muri Kongo baburaga aho basiga abana ugasanga birirwa bazerera mu midugudu, ugasanga uburere bwabo ntibukwiye umwana w’Umunyarwanda, ubu bameze neza kuko byaba mugihagararo no mu bwenge, abana bameze neza kandi n’ababyeyi tubigishiriza mu rugo uko bafata umwana kugirango akure neza tubifashijwemo n’abajyanama b’ubuzima,ishuti z’umuryango n’abandi batandukanye”.

Umuyobozi wa karere ka Rubavu w’ungirije ushijwe imibereho myiza Uwampayizina Marie Grace avuga ko ingo mboneza mikururire zafashije ababyeyi kubona aho basiga abana bakajya mukazi.

Yagize ati”wasangaga abana buzuye kumupaka badafite umuntu mukuru ubarera kuko babasigiraga abandi bana nabo bataye ishuri ugasanga ni ikibazo, ariko ubu bafite aho basigara hizewe na babana babareraga basubujwe mu mashuri, ibi bizadufasha kwirinda ingwingira ry’abana no kubarinda ubuzererezi bwo mu mihanda,abantu bose bakwiye kugira uruhare mukwita kumikururire y’umwana kuko umwana ukuze neza yigirira akamaro mu buzima bwe ndetse n’Iguhugu muri rusange”.

Iyo havuzwe indyo ryuzuye n’igizwe n’ibice bitatu, ibitunga umubiri,aribyo Ibishyimbo,Inyama, amafi,nibiva mu mazi bitandukanye, Ibitera imbaraga: ibijumba,ibirayi ,ibitoki,imyumbati,amateke,n’ibindi binyamafufu bitandukanye, ibiturinda indwara: imboga rwatsi,karoti,pinari nizindi mboga zitandukanye.

Ibinyobwa ,:sosoma, amasaka y’umweru,na tukura,ingano, n’ibindi binyampeke bitandukanye.

Iyo ibyo byokurya ubigaburiye umwana mubihe bitandukanye bituma umwana akura neza,akarya kane kumunsi bikoranywe isuku.

Ubushakashatsi bw’ikigo cy’ibarurishamibare mu Rwanda bwa 2014-2015 bwerekana ko Rubavu abana bangwingiye ari 46.3% mugihe abangwingiye cyane ari 24.3%.

Mukarere ka Rubavu habarirwa ibigo mbonezamikurire 164

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru