Monday . 29 November 2021

INKURU ZIGEZWEHO

  • 29 November » Burera: Abakobwa babiri n’umuhungu umwe barohamye mu kiyaga cya Burera bitaba Imana – read more
  • 28 November » Ibyemezo by’Inama y’Abaminisitiri IDASANZWE yateranye kuri iki cyumweru – read more
  • 28 November » Rwanda: Ingamba NSHYA zishobora gufatwa mu kwirinda virusi nshya ya Omicron yadutse – read more
  • 27 November » Virusi nshya ya COVID-19 yatumye u Rwanda rufata izindi ngamba – read more
  • 27 November » Kicukiro: Umuryango warwaye COVID19 waburiye abagikirensa iki cyorezo – read more

Ubushinjacyaha bwajuririye imikirize y’urubanza rwa Rusesabagina na Sankara

Wednesday 20 October 2021
    Yasomwe na

Ubushinjacyaha bw’u Rwanda bwatangaje ko bwajuririye imikirize y’urubanza ruregwamo Paul Rusesabagina n’abandi 20 bahamijwe ibyaha by’iterabwoba.

Ku itaiki ya 20 Nzeri 2021 Urugereko rwihariye rw’Urukiko Rukuru ruburanisha Ibyaha Mpuzamahanga n’Ibyambukiranya Imipaka rwasomye imyanzuro y’imikirize y’urubanza rwitiriwe Rusesabagina birangira nawe akatiwe igifungo cy’imyaka 25 mu gihe Nsabimana Callixte wiyise Sankara yakatiwe gufungwa imyaka 20.

Bombi bari abayobozi mu mutwe w’iterabwoba wa MRCD/FLN wagabye ibitero ku Rwanda guhera mu 2018, bigahitana ubuzima bw’abaturage b’inzirakarengane.

Umuvugizi w’Ubushinjacyaha bw’u Rwanda, Nkusi Faustin yabwiye IGIHE dukesha iyi nkuru ko bajuririye imikirize y’urubanza rwose.

Yagize ati “Twajuririye urubanza rwose, ibindi bizavugirwa mu rukiko.”

Ibi kandi byanagaragaye ku rubuga rwa Tweeter y’ubushinjacyaha Bukuru

Mu isomwa ry’urubanza mu kwezi gushize, Rusesabagina wayoboraga MRCD/FLN, urukiko rwavuze ko ahamwa n’ibyaha birimo icyo kuba mu mutwe w’iterabwoba n’icyo gukora no kugira uruhare mu gikorwa cy’iterabwoba.

Uyu musaza w’imyaka 67 yagizwe umwere ku cyaha cyo kurema umutwe w’ingabo utemewe.

Nsabimana Callixte ‘Sankara’ yakatiwe gufungwa imyaka 20 kubera impamvu nyoroshyacyaha kuko yorohereje ubutabera, nyuma yo guhamywa ibyaha birimo kuba mu mutwe w’iterabwoba, gupfobya no guhakana Jenoside.

Mu bandi 19 baregwaga hamwe na Rusesabagina ndetse na Nsabimana, bahawe ibihano bitandukanye birimo gufungwa imyaka hagati y’itatu na 20.

Nyuma y’iyi myanzuro hari benshi batishimiye imikirize y’urubanza, cyane cyane abafite ababo bahitanywe n’ibitero bya MRCD/FLN cyangwa abo byamugaje, bavuze ko ibihano bahawe byoroheje.

Ku ruhande rw’abaregwa ntiharamenyekana niiba haba harabayeho kujurira.

feature-top
feature-top

Any message or comments?

pre-moderation

This forum is moderated before publication: your contribution will only appear after being validated by an administrator.

Who are you?
Your post

To create paragraphs, just leave blank lines.

Iyandikishe ujye ubona Amakuru

Iyandikishe ujye ubona Amakuru