Thursday . 12 December 2019

INKURU ZIGEZWEHO

  • 4 June » Rubavu: Ibigo mbonezamikurire byazahuye ubuzima bw’abana basigwaga ku mupaka uhuza u Rwanda na DR Kongo – read more
  • 7 August 2018 » Uganda:Iperereza ryagaragaje ko Kayihura ushinjwa kwica Kaweesi nta shingiro bifite – read more
  • 4 August 2018 » Minisitiri Mushikiwabo yagaragaje imigabo n’imigambi nk’umukandida wa OIF – read more

Ibiyobya bwenge byafashwe mu mukwabu udasanzwe wo gutahura abacuruza ibitemewe

Monday 11 November 2019, by : MUTESI Scovia
    Yasomwe na

Urwego rw’Igihugu rushinzwe Ubugenzacyaha, RIB, na Polisi y’Igihugu ku bufatanye n’izindi nzego, bafatiye mu mukwabu udasanzwe abantu 46 bari mu bikorwa birimo kwinjiza mu gihugu magendu no gucuruza ibiyobyabwenge.

Uyu mukwabu umaze kumenyerwa nka USALAMA ya gatandatu wabaye kuva tariki 30 Ukwakira kugeza 04 Ugushyingo 2019, uhurirwamo n’inzego za leta zirimo RIB, Polisi y’Igihugu n’abaturage.

Ubaye ku nshuro ya gatandatu aho utegurwa hashingiwe ku myanzuro yafashwe n’imiryango ya Polisi z’ibihugu bya Afurika y’Iburasirazuba n’amajyepfo, ubwo bari mu nama yabereye i Pretoria muri Afurikan y’Epfo kuva tariki 28 -29 Kanama 2019.

Ikiba kigambiriwe ni ukurwanya ibyaha byambukiranya imipaka birimo gucuruza ibiyobyabwenge n’icuruzwa ry’abantu, hamwe n’ibindi bikorerwa imbere mu bihugu.
Hari ibyaha bikorwa mu bidukikije, ubujura bw’imodoka, gucuruza intwaro bitemewe n’amategeko, ibyaha by’iterabwoba n’ubujura bw’amabuye y’agaciro.

Abanyamakuru mu kiganiro n’inzego zitandukanye
Ubwo berekaga itangazamakuru ibyavuye muri uyu mukwabu, Umuyobozi Mukuru muri RIB ushinzwe kugenza no gukurikirana ibyaha, Twagirayezu Jean Marie Vianney, yavuze ko ibyafashwe byose bigira ingaruka ku bukungu bw’igihugu kandi bakangurira abaturage kubireka.

Raporo y’ibikorwa bya USALAMA 6 yagaragaje ko hafashwe ibicuruzwa byiganjemo amavuta yo kwisiga y’amoko atandukanye atujuje ubuziranenge ndetse atera ingaruka mbi ku ruhu, afite agaciro ka miliyoni 3,2 Frw
Ikomeza igaragaza ko hanafashwe imyenda n’inkweto bya caguwa byinjiye ku masoko yo mu Rwanda mu buryo bunyuranyije n’amategeko, bifite agaciro ka miliyoni 11,2 Frw.


Bimwe mu byafashwe byeretse itangazamakuru ibindi biri mu bubiko bwa RIB

Twagirayezu yavuze ko ibikorwa nk’ibi byatanze umusaruro kuko abafashwe n’ubwo bashyikirizwa inzego zibishinzwe, banagirwa inama ndetse bakabera urugero abaturanyi babo bashobora kurangwa n’iyi migenzereze mibi.
Ati “Tuboneyeho n’umwanya wo kubwira abantu bose muri rusange ko ibyaha ndengamipaka ndetse no gucuruza ibitemewe bitareba inzego zumutekano gusa, ahubwo bireba abaturarwanda bose n’abandi duhuje ubusabane b’ibihugu duturanye.”

Muri uyu mukwabu kandi hafashwe ibiyobyabwenge bifite agaciro ka miliyoni 32,5 Frw. Byiganjemo urumogi rufite ibiro 136 , litiro 38,487 z’inzoga z’inkorano ziganjemo kanyanga.
Umuvugizi wa Polisi y’u Rwanda CP Kabera Jean Bosco yavuze ko byaba ibiyobyabwenge cyangwa magendu byinjizwa mu gihugu mu buryo bunyuranyije n’amategeko, ari nayo mpamvu bakomeje gushyiraho ingamba zo gufatanya n’izindi nzego mu gukumira iyinjizwa ryabyo.

Ati “Ingamba zihari ni ugukangurira abanyarwanda bose ko aribo tubigisha kwirinda gukora ibinyuranyije n’amategeko, ariko kandi tunabasaba kujya baduha amakuru y’ahari ibyo biyobyabwenge cyangwa ibindi bintu bitemewe.”


CP Kabera yavuze ko uretse kwigisha, hashyizweho imitwe ishinzwe kurwanya magendu, umutwe ushinzwe umutekano wo ku mipaka ndetse n’umutwe wihariye ushinzwe kurwanya ibiyobyabwenge.

Muri rusange izi nzego zivuga ko abantu 46 aribo bafashwe bakekwaho kuba baragize uruhare muri ibi bikorwa bitemewe n’amategeko.
Muri abo 10 bafashwe bakekwaho gucuruza no kunywa ibiyobyabwenge n’inzoga zitemewe, mu gihe 16 bafashwe bakekwaho kwinjiza no gucuruza ibintu bitemewe.
Itangazamakuru riri mu byasabwe kwigisha abaturage kugirango bashe kurwanya ibyo babaha bitujuje ubuziranenge.
Ingingo ya 263: Gukora ibikorwa byerekeranye n’ibiyobyabwenge cyangwa urusobe rw’imiti ikoreshwa nka byo

Umuntu wese ufatanwa, urya, unywa, witera, uhumeka cyangwa wisiga mu buryo ubwo aribwo bwose ibiyobyabwenge bito cyangwa urusobe rw’imiti ikoreshwa nka byo, aba akoze icyaha.

Umuntu wese uhamijwe n’urukiko gukora ibikorwa bivugwa mu gika cya mbere cy’iyi ngingo, ahanishwa igifungo kitari munsi y’umwaka umwe (1) ariko kitarenze imyaka ibiri (2) cyangwa imirimo y’inyungu rusange.

Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze cyaha. Iyo abihamijwe n’urukiko ahanishwa:

igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye;

2 º igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25) n’ihazabu y’amafaranga y’u Rwanda atari munsi ya miliyoni cumi n’eshanu (15.000.000 FRW) ariko atarenze mililiyoni makumyabiri (20.000.000 FRW) kubyerekeye ibiyobyabwenge bikomeye;

3 º igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

feature-top
feature-top

Any message or comments?

Iyandikishe ujye ubona Amakuru

Iyandikishe ujye ubona Amakuru