Mama U rwagasabo

Kigali: Abatwara bisi barasaba ko inzira bagenewe zubahirizwa

Valens Nzabonimana — 2026-01-16T11:04:20Z

Bamwe mu batwara bisi mu mujyi wa Kigali, barasaba ko hari ibyanozwa mu buryo bushya bw'ingendo, inzira yabo bagenewe izwi nka Only Bus ikubahirizwa.

Abatwara bisi mu mujyi wa Kigali barasaba ko iyi gahunda yanozwa.

Ni nyuma yuko hakigaragara abagenzi n'ibindi binyabiziga bibera inzitizi abo mugice cyahariwe Bisi gusa, rimwe na rimwe bikaba byatera impanuka.

Nyuma y'igihe gito hatangijwe uburyo bwo gutwara abagenzi mu buryo bwa rusange, bamwe mu bagenzi banyuzwe nabyo. Bavuga ko ingendo mu buryo bwa rusange zabagoraga, rimwe na rimwe bagahitamo gutega moto.

Umwe mubaganiye na Mama Urwagasabo TV yagize ati”Wazaga nka saa mbiri za mugitondo bisi igahagaruka saa tanu. Ubwo gahunda zawe zose zikaba zipfuye ubwo, bitihise ugafata moto ikaguhenda ariko ukagerayo ugiye kare.

Yongeraho ko kuri ubu hagati y'iminota 10 na 15 bisi iba ihagurutse ititaye ku mubare wabayigezemo, ibyoroheje ingendo .”

Ku rundi ruhande ariko usanga hari ibyanozwa birimo kugenda mu muhanda neza kw'abanyamaguru n'abayobozi b'ibinyabiziga.

Ni imvugo bahurizaho n'ubuyobozi bw'umujyi wa Kigali ndetse n'abashinzwe ikigo gifite inshingano zo gutwara abagenzi muri izi mpinduka cyitwa Effofleet.

Umuvugizi w'umujyi wa Kigali Aima Claudine Ntirenganya yagize ati”kuvugurura ubu buryo bushingiye ku kunoza ingendo ndetse no kubungabunga umutekano wo mu muhanda .Bisi izajya ihaguruka mu minota 10, hanyuma habeho kudatinda ku byapa ndetse hanahabwe uburenganzira bwo kugenda bisi mbere, ibi bikazatuma abagenzi bagererayo igihe. Kuburyo twumva bizacyemura ibibazo abagenzi bahuraga nabyo, ahubwo ngasaba abaturage kuyoboka ubu buryo.".

Rukera Aubin umuyobozi mukuru wa Ecofleet ahamya ko iyi gahunda izafasha cyane abanyeshuri,abakozi bazinduka ndetse n'ibindi byiciro bisanzwe byagorwaga n'ingendo.

Nubwo ngo hakozwe ubukangurambaga busaba abagenzi n'ibindi binyabiziga kubahiriza igice cyagenewe bisi gusa ,hari abatwara bisi binubira ko bidashyirwa mungiro bikaba byabateza ibyago mugihe haba hatabayeho gukomeza gushyirwamo imbaraga.

Umwe mubatwara abagenzi mu buryo bwa rusange yagize ati”Usanga abagenzi ,abamotari n'abatwara izindi modoka bagera mu murongo wacu bagaheramo, kuburyo bidutinza ,rimwe na rimwe tugahura n'impanuka.”
Umubare w'abagenzi 70 niwo wemewe gutwarwa nizi bisi ,ndetse igahagaruka mu minota 10 mugitondo na nimugoroba, hongewemo imodoka 300 ibigamije kunoza ingendo mu mujyi wa Kigali, hakaba hanateganywa kongeramo izikoresha amashanyarazi.

Ishimwe Honore

Musanze: Abantu 8 basimbutse imodoka ya Polisi umwe ahasiga ubuzima

Valens Nzabonimana — 2026-01-14T06:53:32Z

Ahagana saa 18h00' z'umugoroba tariki ya 14 Mutarama 2026 nibwo abantu 8 muri 23 bari mu modoka ya Van ya polisi ibajyanye mu kigo banyuramo by'igihe gito (Transit ) basunitse urugi barasimbuka umwe ahita yitura hasi arapfa.

umuvugizi wa Polisi y'u Rwanda mu Ntara y'Amajyaruguru IP Ngirabakunzi Ignace

Kuri iki kibazo twavugishije umuvugizi wa Polisi y'u Rwanda mu Ntara y'Amajyaruguru IP Ngirabakunzi Ignace atubwira uburyo byagenze.

Yagize ati”Nibyo aya makuru niyo bari abantu 23 bafatiwe mu bikorwa bihungabanya ituze n'umutekano by'abaturage aho bari bajyanywe mu kinigi mu kigo banyuramo by'igihe gito (transit) hanyuma 8 muri bo basunitse urugi rw'imodoka umwe yitura hasi arapfa abandi barindwi (7)batorotse bakomeje gushakishwa.''

Bamwe mu baturage babonye ibi biba babwiye MAMA URWAGASABO ko imodoka yarimo izamuka iturutse mu muhanda ugana ku murenge wa Musanze ubwo igeze ahahoze irimbi rusange mu Kinigi babona abantu barimo gusimbuka imodoka ari nako uwo nyakwigendera yituye mu muhanda ahasiga ubuzima.

Umuvugizi wa polisi kandi yavuze ko bakomeje gukora iperereza ngo bamenye icyatumye ibi biba ngo kuko bitari bisanzwe.

Ndayambaje Jean Claude

Itangazo ryo Gusaba guhinduza amazina

2025-06-12T14:19:00Z

Nyamasheke: umukobwa yabyaye habura gato ngo asabwe anakobwe.

Chadadi Habimana — 2025-05-30T07:37:24Z

Nyiranzarorimana Divine washyingiranwe na Niyinsenga Emmanuel byemewe n'amategeko yabyaye umwana habura umunsi umwe ngo asabwe anakobwe.

Ibi byabereye mu Kagari Burimba, ahazwi nk ku Mugera mu Murenge wa Shangi tariki ya 28 Gicurasi, ubwo Divine yafatwaga n'inda maze akajya kubyarira mu kigo nderabuzima cya Mugera gusa ntibyabujije ko imihango iba.

Umunyamabanga nshingwabikorwa w'Umurenge wa Shangi, Jeanne Mukamusabyimana yemereye umunyamakuru wa Mama urwagasabo TV ko ibi byabaye kandi ko bitabujije imihango y'ubukwe gukomeza.

Yagize ati “ yashyingirangwe na Niyinsenga Emmanuel mu mategeko ariko bari barapanze ko kuri 29 Gicurasi bazasaba bakanakwa, umusore n'umukobwa bari babiziranyeho ariko icyabatunguye ni ukubyara. “

Akomeza agira ati“ Babiganiriyeho maze umuryango w'umuhungu bajya gusaba ariko Divine adahari."

Nyiranzarorimana Divine akaba yabyariye ku kigo nderabuzima cya Mugera gusa amakuru ubuyobozi bw'uyu murenge bufite yemeza ko ubukwe nabwo bukomeza mu urusengero rwa EAR Kigabiro.

Sitio Ndoli

Nyamasheke: abatuye ku kirwa cya Kirehe ntibazi nimba meya ari umugabo cg umugore

2025-03-14T13:31:28Z

Abatuye ku kirwa cya Kirehe giherereye mu kiyaga cya Kivu mu Murenge wa Macuba ho mu Karere ka Nyamasheke, bavuga ko batajya begerwa n'ubuyobozi bw'akarere, kugeza ubu bakaba bavuga ko batazi nimba meya ari umugabo cyangwa umugore.

Ni ikirwa gito kiri mu kiyaga cya Kivu mu Kagari ka Rugari mu Murenge wa Macuba, gituwe n'abaturage basaga 1153 batuye mu ngo 168. Bamwe muri aba bahamya ko bafite ibibazo by'uruhuri mu buzima bwo ku kirwa, bagasanga impamvu bidakemuka ariko umuyobozi w'akarere ka Nyamasheke kuva yatorwa atari yabasura, ndetse ngo bakaba bemeza ko batazi niba ari umugore cyangwa ari umugabo.

Bimwe mu bibazo by'ingutu bafite nuo nt amuriro, nta mazi, ibikorwa remezo byo ni ibindi.

Barore Pierre ati: “Undi wagiyeho ntabwo tumuzi, ntabwo araza kutwiyereka, ntituzi n'amazina ye, ntituzi isura ye. Iki giturage dutuyemo ntabwo tuzi Meya w'Akarere n'abamwungirije na bo ntabwo tubazi”."

Muhayimpundu Claudine yunzemo ati: "Uwo tuzi ni Mukamasabo wavuyeho, ntabwo aradusura, umushya ntabwo tuzi Impamvu; duhuye mu nzira ntabwo na mumenya. Icyo twifuza nuko we n'abagenzi be badusura tukabagezaho ibibazo dufite, tukareba ko babidufashamo."

Byaje guhumira ku murari ubwo babwirwaga ko umuyobozi w'akarere wungirije ushinzwe iterambere ry'ubukungu Muhayezu Joseph Desire aza kubasura maze bakamugezaho ibibazo bafite ariko barategereje baraheba, baragaragaza igihombo bahuye nacyo uwo.

Niyonkuru Paul ati: “Visi Meya Desire, baratubwiye ngo aradusura mu nteko y'abaturage, ingoma y'umudugudu iravuga, tureka imirimo yacu tujyayo turamutegereza ntizaya”.

Singuranayo Simeon nawe ati: “Meya uriho ntabwo tuzi niba ari umugabo cyangwa niba ari umugore. Aje tukamugezaho ibyifuzo byacu, nk'ibyo by'umuriro n'amazi yajya kutubera umuvugizi, kuko atugerera kure aho tutagera”.

Umuyobozi w'Akarere ka Nyamasheke, Mupenzi Narcisse umaze umwaka n'amazi abiri ku buyobozi bw'aka karere, yavuze ko umuturage w'iki kirwa waba utamuzi ari uwaba atitabira ibikorwa bibera hanze y'ikirwa nk'umuganda n'ibirori bitandukanye.

Mupenzi avuga ko muri gahunda yo kwegera abaturage yabanje gusura buri kagari kuri uku akaba akurikijeho gusura buri mudugudu.

Ati: “Abaturage bo ku Kirwa cya Kirehe, dukurikiranira hafi uko babaye ikifuzo n'ibibazo tukabishyira mu byihutirwa. Icyo nabizeza ni uko muri gahunda yo gusura imidugudu, ngiye kubashyira mu matariki ya hafi ku buryo mu minsi ya vuba nzabasura”.

Umuyobozi w'Akarere ka Nyamasheke amaze umwaka n'amezi atatu atorewe kukayobora, akaba yarasimbuye Mukamasabo Applonie, wirukanywe ni nama njyanama y'Akarere kubera imyitwarire n'imikorere idahwitse.

Yanditswe na Sitio Ndori

Itangazo ryo guhindura amazina

2025-02-27T14:10:20Z

Itangazo ryo guhinduza amazina

2025-01-27T14:09:54Z

Itangazo ryo guhinduza amazina

2025-01-24T11:00:25Z

Itangazo ryo guhinduza amazina

2025-01-14T06:13:24Z

Itangazo ryo guhinduza amazina

2025-01-13T13:26:03Z