Mutungirehe Samuel
Umuyobozi Mukuru w’Ikigo cy’Igihugu gishinzwe iby’Ubuzima RBC, Dr. Nsanzimana Sabin, yihanangirije abantu basigaye bagaragara bamanuye agapfukamunwa mu gihe bagiye gufata ijambo bakoresheje indangururamajwi, izwi nka Micro.
Mu butumwa uyu muyobozi yacishije ku rukuta rwe rwa Twitter yagize ati “Maze iminsi mbona abantu bajya gufata ijambo bakabanza gukuraho Agapfukamunwa barangiza kuvuga bakagasubizaho!”
Yakomeje agira avuga ko bitemewe ati “ Ibyo sibyo Pe!! Tukambare neza buri gihe turi mu bandi. #Sindohoka”.
Mu byemezo by’Inama y’Abaminisitiri iherutse guterana tariki ya 13 Ukwakira 2021 yamenyesheje abaturage ko ari ngomba kubahiriza amabwiriza yo kwirinda COVID19 harimo gusiga intera hagati y’umuntu n’undi, kwambara agapfukamunwa neza no gukaraba intoki. Abatazabyubahiriza bazafatirwa ibihano.
Kwambara neza ni ukwambara agapfukamunwa gasukuye gapfutse umunwa n’amazuru
