Mutungirehe Samuel
Perezida Kagame yahaye umwanya Mpayimana Philip w’Impuguke nkuru ishinzwe uruhare rw’abaturage (Senior Expert in charge of Community Engagement) muri Minisiteri y’Ubumwe bw’Abanyarwanda n’Inshingano Mboneragihugu.
Mpayimana ni umunyapolitiki wigenga ukorera politiki ye mu Rwanda, bitandukanye n’abiyitaga abanyapolitiki bakayikorera hanze nk’uko nawe yahoraga yitandukanya nabo.
Mu byemezo by’Inama y’Abaminisitiri yateranye kuri uyu wa Gatanu tariki ya 12 Ugushyingo 2021, mu bayobozi bashya bahawe imirimo harimo na Mpayimana Philip.
Uyu Mpayimana ni Kandida Perezida wigenga mu matora ya Perezida yabaye mu 2017 aho yabonyemo amajwi 0.59%, yaje arusha amajwi Umukandida w’Ishyaka Green Party, Dr. HABINEZA Frank wagize 0.51% mu gihe amatora yegukanywe n’Umukandida ari nawe Perezida Kagame Paul.
Twakibutsa ko Bwana Mpayimana Philip ari we Mukandida Perezida mu 2017 watangaje bwa Mbere ko nk’Umukandida wigenga yemeye ko yatsinzwe amatora nyuma y’imibare y’agateganyo ya komisiyo y’igihugu y’amatora, aho yari yagizemo 0.72%, uwari umukurikuye FrankHabineza agira 0.42% naho Perezida Kagame yagize 98.66%.
