Gahunda y’Umuryango w’Abibumbye igamije kugeza inkingo ku bihugu byishyize hamwe hagamijwe kubona inkingo za Coronavirusi (COVAX) igiye guha inkingo ibindi bihugu 24 byo ku mugabane w’Afurika bigahita nabyo bitangira gukingira abaturage.
Ni ibihugu birimo Kenya na Nigeria biri bwakire inkingo kuri uyu wa Kabiri tariki ya 2 Werurwe 2021.
Kenya ubwayo irahabwa Doze miliyoni 1 n’ibihumbi 250 z’urukingo rwa Astrazeneca Oxford. Minisiteri y’Ubuzima muri iki gihugu yatangaje ko bagiye guhera ku bari mu bikorwa by’ubuvuzi bwa Covid-19.
Nigeria irahabwa doze miliyoni 3 n’ibihumbi 920, ikazaba ibaye iya gatatu mu bihugu byi mu Burengerazuba bw’Afurika bihawe inkingo muri COVAX nyuma ya Ghana na Côte d’Ivoire byahawe iza mbere.
Mu mezi azakurikiraho biteganyijwe ko Nigeria izakira nibura inkingo miliyoni 16.
Hagati ahi ariko muri Ghana ho amakuru yakwirakwiriye muri rubanda ni uki bafite ubwoba ko inkingo za coronavirusi ari izo kwica abanyafurika bityo Perezida ubwe n’umugore we bemeye kuzakingirwa ejo rubanda rubireba, akomeza no gudaba abaturage kwima amatwi ibyo bihuha.
Hashize iminsi muri iki gihugu coronavirusi igarukanye ubukana ku nshuro ya gatatu yica abarenga 200 mu kwezi kwa Gashyantare 2021, bagera kuri 1/3 cy’abo Corona imazw kwica kuva yahagera.
