Muri Myanimar igihugu cyahoze cyitwa Birmania, umu pilote w’indege yarokoye abagenzi nyuma yuko ageze ku kibuga cy’indege amapine y’imbere akanga gusohoka ngo agekore hasi.
Mu kugerageza kurwana no kuyimanura yaohora amapine ntasohoke, byarangiye icyizuru cy’iyi ndege ya kompanyi yitwa
Myanmar National Airlines aricyo gisimbuye amapine kigenda kikuba muri kaburimbo ahakabaye amapine aha iyi ndge ikaba yageragezaga kugwa ku kibuga cya Mandalay.
Umupilote w’iyo ndege Embraer 190 - yakozwe n’ikigo gikora indege Embraer cyo mu gihugu cya Brezili yashimiwe kubona yashoboye kuyihagarika neza nta mugenzi numwe ukomeretse muri 89 yaritwaye
Mu bisanzwe iyo indege igomba guhagarara, amapine y’imbere n’inyuma arasohoka kugira ngo ishobore guhagarara neza.
Iyo kompanyi itangaza ko umupilote w’iyo ndege, Myat Moe Aung, yazengurutse kabiri kose ku kibuga cy’indege arindiriye ko abashinzwe radar zigenzura indege bamubwira nimba amapine yashoboye gusohoka, ariko biranga niko gufata umwanzuro wo kuyimanura itagira amapine y’imbere.
Iyo ndege yarerekanywe mu mashusho uburyo yamanukiye ku mapine y’inyuma gusa, izuru ryayo naryo ryamanutse hasi rikaba ryaserebetse hasi mu gihe kigera ku masegonda 25 mbere yuko ihagarara.
Minisitiri ufite gutwara ibntu n’abantu mu nshingano ze muri Myanmar, Win Khant, yabwiye ibiro ntaramakuru Reuters ati: "Umupilote yakoze igikorwa kidasanzwe".
By Imfurayabo Pierre Romeo
