Perezida wa Repubulika Paul Kagame akaba n’umugaba w’Ikirenga w’Ingabo z’u Rwanda, kuri uyu wa Gatanu yazamuye mu ntera abasirikare bane bakuru bari ku rwego rwa Lieutenant Colonel ari bo Lt Col. JP Nyirubutama, Lt Col. Ronald Rwivanga, Lt Col Francis Ngabo na Lt Col Callixte Kalisa bose bagirwa Colonel.
Colonel Ronald Rwivanga asanzwe ariumuvugizi w’Ingabo z’u Rwanda, RDF.
Col JP Nyirubutama yahawe ipeti rya Colonel, agirwa Umunyamabanga Mukuru wungirije w’Urwego rw’Igihugu rushinzwe Iperereza n’Umutekano, (NISS).
Ni umwe kandi muri 47 baherutse gusoza amasomo mu ishuri rikuru rya gisirikare rya Nyakinama, akaba ari na we wahembwe nk’uwitwaye neza muri bagenzi be (Overall best student).
Col Francis Ngabo na we ni umwe mu baherutse gusoza amasomo i Nyakinama akaba yaraje ku mwanya wa kabiri mu bitwaye neza (Second overall student Award), akaba yaranabaye uwa mbere mu gukora umushinga mwiza w’ubushakashatsi (Best college research paper).
