Nyuma yo guhabwa urukingo rwa Mbere rwa Pfizer rwo kwirinda kwandura COVID-19, Ikigo k’igihugu cy’Ubuzima RBC cyatangaje ko hari umubare utari muto, urenga abantu ibihumbi bitanu(5000) bamaze kurenza igihe cyo gufata doze ya Kabiri y’urukingo rwa rwa Pfizer.
Nkuko byahenwe n’Ikigo cyakoze urwo rukingo, uhawe doze ya mbere ategereza iminsi iri hagati ya 21 na 28 ngo ahabwe doze ya kabiri ishimangira ubwirinze bw’umubiri kuri virusi ya Corona.
Kuri uyu Kabiri tariki ya 20 Mata 2021,Umuyobozi Mukuru w’Ikigo cy’Ubuzim RBC yatangaje ko mu bahawe urwo rukingo abagera uri 85% ari bo bagarutse bafata urwa Kabiri.
Yakomeje avuga ko ku wahawe urwa mbere iyo adaashe urwa Kabiri bisa nko gucikiriza amashuri.
Ati "Urukingo ubundi ni nk’igisa n’uburwayi, bigatoza rero umubiri kwirwanaho hakiri kare.
Iyo umuntu afashe urukingo rwa mbere rero uwo ni umwitozo wa mbere uba utanuzuye, haba hakenewe umwitozo wa kabiri. Byaba bisa rero no gucikiriza amashuri, byaba bisa no gufata ibintu bituzuye, ntabwo urukingo ruba ruzamutse ngo rugere u gipimo cyarwo kuko urukingo rwa Pfizer iyo ufashe doze ebyiri uka zakabaye birazamuka bikakurinda kurwara, kuremba no kuba wahitanwa na COVID-19 ku gipimo cya 95%.
Dr. Nsanzimana yakomeje asobanura ko iyo utazujuje ayo mahirwe aba akiri hasi ku buryo na rwa rukingo rwa mbere uba uruciye intege.
Abenshi mu bagerageje kugaruka ngo bahabwe dose ya kabiri, babwiye RBC ko impamvu zo gutinda zabaye iz’akazi, abatari hafi y’aho bafatira indi doze n’izindi mpamvu.
