Isesengura ku bwiyongere bw’ubwandu bw’icyorezo cya COVID-19 mu Rwanda rigaragaza ko umubare w’abagabo banduye ukubye hafi kabiri uw’abagore banduye kuva iki cyorezo cyagera mu rw’imisozi igihumbi.
Raporo ngufi y’Ikigo k’Igihugu cy’Ubuzima RBC yashyizwe ahagaragara n’Umuyobozi Mukuru wacyo, Dr. Sabin Nsnzimana kuri uyu wa mbere tariki ya 28/12/2020, igaragaza ko ab’igitsina gabo bibasiwe cyane mu kwandura COVID-19 kurusha ab’igitsina gore.
Impuzandengo ku banduye covid-19 bose kugeza ubu, ab’igitsina gabo banduye bari ku kigero cya 65.3% mu gihe ku b’igitsina gore iri ku kigero cya 34.7%.
Muri rusange raporo irerekana ko ubwandu bwinshi bwiganje mu bantu bafite imyaka kuva kuri 20 kugeza kuri 40, bagakurikirwa n’abari hejuru yabo, bafite imyaka kugeza kuri 50 hakaza n’abari mu myaka y’urubyiruko ya 20 kuzamuka.
Nubwo bimeze gutyo ariko n’ikigero cy’abakira covid-19 nacyo kirushaho kuzamuka kuko ubu babarirwa kuri 78.9% gusa abahitanwa na covid nabo baracyagaragara, kuko bari kuri 0.9%.
Dr Nsanzimana akomeza kugira abantu inama zo kudatezuko mu gushyira mu bikorwa ingamba zo kwirinda gukwirakwiza virusi ya corona, zirimo kwambara agapfukamunwa neza, gushyira intera hagati y’umuntu nundi, kwirinda kujya mu kivunge n’ahand mu birori hateraniye abantu benshi.
