Gasabo mu Mujyi wa Kigali kabimburiye utundi mu guha abajyanama b’ubuzima ibipimo bazifahisha mu kumenya ingano y’umwuka urwariye COVID-19 mu rugo asigaranye, bikaba byafasha umujyanama umukurikirana kwihutira gutabaza muganga bityo umurwayi agatabarwa byihuse, akaba yanagezwa kwa muganga atarazahazwa no kubura umwuka.
Ni ibikoresho 73 byitwa Pulse oximeter, byatwaye arenga miliyoni 2.2 y’u Rwanda, bipima ingano y’umwuka umurwayi wa covid-19 cyanwa undi wese afite mu kubasha guhumeka, byahawe abajyanama b’ubuzima kimwe kuri buri kagari, mu tugari 73 tugize ako karere.
Ubusanzwe umuntu muzima udafite ikibazo mu rwungano rwo guhumeka aba ari ku gipimo kitari munsi ya 95%, urwaye covid-19 nk’indwara yibasira inzira z’ubuhumekero akenshi azahazwa no guhumeka neza bitewe n’umusonga uterwa n’ingaruka za coronavirusi iba yagize ku bihaha.
Uhagarariye ihuriro ry’abikorera (JAF) mu karere ka Gasabo, Mutsindashyaka Andre, yavuze ko Ubuyobizi bw’akarere ka Gasabo bufatanyije n’abafatanyabikorwa bako bashatse uko barushaho gukumira imfu ziterwa na coronavirusi ziturutse ku kuba urwariye covid-19 mu rugo atamenya igipimo cy’umwuka agezeho ikaba yamuhitana, bagenera abajyanama b’ubuzima ibipimo by’umwuka bazaya bifashisha mu gukurikirana ubuzim bw’abarwayi.
Ati "Cyane cyane ko ibyo bari bafite mu nshingano byari ugupima umuriro gusa, ariko iki gikoresho kizabafasha cyane."
Perezida w’Abajyanama b’Ubuzima mu karere ka Gasabo, Rutagarama Wensislas, yagaragaje ko bishimiye ibyo bikoresho ariko agaragaza ko bigaragara ko aei bike ugereranyije n’uko abajyanama b’ubuzima ari benshi, bane ku mudugudu na babiri ku kagali kandi bahorana n’abaturage umunsi ku wundi mu gihe igipimi kimwe kigenewe akagari kose.
Umuyobozi Nshingwabikorwa w’akarere ka Gasabo Umwali Pauline, yasobanuye ko bajya gushaka icyo gisubizo, bganiriye n’abaganga bakorera muro ako karere babereka ko imfu nyinshi z’abicwa na Covid -19 muri iyi minsi ziri guterwa no kubura umwuka, urwaye covid ntamenye mbere ko cyagiye hasi.
Ati "Noneho akaza kugera kwa muuganga we akisuzuma umwuka usanzwe, akagerayo washize ku buryo batangira kumushyira ku mashini akaba ari bwo abyumva; ariko ubwo twaganiraga n’abaganga b’abadogiteri 75 batuye muri Gasabo n’abaforomo 300, batugira inama bari buriya habonetse kariya gakoresho kafasha.
Dr. Nkeshimana Meneras ushinzwe imivurire ya COVID-19 mu Rwanda yavuze ko icyo gipimo iyo ugishyize ku rutoki rw’umurwayi kikwereka ngo ni kangahe ku ijana (%) by’umwuka duhumeka uwo murwayi aba afite.
Ati " 96% by’abarwayi ba covid mu Rwanda uyu munsi bari kuvurirwa mu rugo; mu byo twari tumaze iminsi dukira neza byo kubakurikirana twongeyemo no kumenya ngo umujyanama w’ubuzima azajya anabasha no umenya umwuka wa Oxygen umurwayi afiye mu maraso irangana gute hejuru yo kumenya ibindi bimenyetso kugira ngo nibiba ngombwa ko yimuka akava m urugo akajya kuvurirwa ahabugenewe, gende kare, ntaze kuhava yabaye indembe yo ku rwevo rwo hejuru."
Ibi bipimo abajyanama b’ubuzima bahawe bisanzwe bikoreshwa ku kigo nderabuzima ariko bikazafasha abatwaye covid-19 kumenya byihuse uko bari guhumeka umwuka mwiza bibarinde kuba bava mu rugo bazahaye, batabasha guhumeka neza igihe bagize ikibazo.
