Igikomangoma Philip usanzwe ari umugabo w’Umwamikazi Elisabeth II w’u Bwongereza yitabye Imana ku myaka 99 y’amavuko.
Urupfu rwa Philip rwamenyekanye kuri uyu wa Gatanu tariki ya 9 Mata 2021.
Igikomangoma Philip yari amaze iminsi arwaye. Amaze imyaka 65 ashakanye n’Umwamikazi Elizabeth II.
Ingoro y’Ubwami bw’u Bwongereza yatangaje ko Philip yabereye Umwamikazi Elisabeth II umugabo mwiza, amuba hafi mu bihe byose amaze ategeka ubwami bw’u Bwongereza kandi aba umwe mu bantu bakomeye mu Bwongereza bashyigikiye ikoranabuhanga no kwita ku bidukikije.
Nyuma gato y’uko bambikanye impeta, Umwamikazi w’u Bwongereza yandikiye kwa Sebukwe ati “Iyo ndi kumwe n’umuhungu wanyu ari we mugabo wanjye mba mbona wagira ngo umwe ni mubyara w’undi. Wagira ngo tumaranye igihe tubana.”
