Nicolas Sarkozy wahoze ari Perezida w’u Bufaransa ari mu Rwanda mu ruzinduko rwe bwite rukurikira urundi nk’uru yahagiriye mu myaka ibiri ishize.
Sarkozy yayoboye u Bufaransa hagati ya 2007 na 2012, ni we Perezida w’u Bufaransa wasuye u Rwanda nyuma ya Jenoside yakorewe Abatutsi mu 1994.
Tariki ya 25 Gashyantare 2010, yemera ko muri ayo mateka mabi hari “amakosa yakozwe n’Abanyapolitiki b’u Bufaransa, amakosa yakozwe muri Opération Turquoise".
IGIHE dukesha iyi nkuru cyatangaje ko uruzinduko rwa Sarkozy yagiriye mu Rwanda, rwabaye umwanya mwiza kuri we wo gusura bimwe mu bice nyaburanga by’igihugu, by’umwihariko kuri uyu wa Kane yasuye Ingagi mu Birunga.
Mu 2018 ubwo yazaga mu Rwanda yari kumwe n’Umuyobozi Mukuru w’Ikigo gikora Ubwikorezi bw’Ibicuruzwa byambuka Imipaka mu ndege, ku butaka no mu mazi, Cyrille Bollorép.
