Yanditswe na Scovia Mutesi
Mu karere ka Rusizi ku kigonderabuzima cya Gihundwe hatangijwe na Minisiteri y’ubuzima gutanga urucyingo rwa Ebola gahunda yiswe UMURINZI ku baturage bakora ubucuruzi bwambukiranya umupaka bajya muri Repubulika Iharanira Demokarasi ya Congo nundi wese ubishaka mu gihe y’abazi ko haraho yahurira niyo rwara.
Ikigikorwa cyageze mu Rwanda mu gihe uru rukingo rwageragejwe mu bihugu bitandukanye ku isi hagendewe kubyemezo by’impugucye za OMS zabonye ko rwa koreshwa hashingingiwe ku bushakashatsi zakoze. rugatangwa mu bihugu byagaragayemo Ebola cyangwa ibyegereye aho yagaragaye cyangwa haraho bahurira nayo.
Umunyamabanga wa Leta muri Minisiteri y’Ubuzima, ushinzwe ubuvuzi bw’ibanze, Dr. Ndimubanzi Patrick, yavuze ko abantu bakwiye kwikingiza Ebola mu rwego rwo kuyikumira.
Yagize ati “Uru rugamba turimo rwo gukumira no kurwanya Ebola dushobora gutsinda twese dushyize hamwe, nicyo iki gikorwa kivuze. Ubu twabonye uburyo bushyashya, uburyo tugomba kwitabira, uburyo buzakoreshwa ku bantu bashobora guhura n’abantu bafite indwara ya Ebola.”
Uwamariya alice uyu mu byeyi akora ubucuruzi bwambuka umuka avuga ko kuba haje gahunda nk’iyi aribyiza yagize ati “Ikibazo twari dufite nuko twikangaga ko dushobora kwandura kubera duturanye n’igihugu cyagize ibibazo no guhura ni icyorezo cya Ebola, tujya muri Congo gucuruza urumva ko twikingiye. Turashima abayobozi bacu batuzaniye uru rukingo.”
Cosmos Kusimwa Bishisha, Minisitiri w’ubuzima mu Ntara ya Kivu y’Amajyepfo muri Repubulika Iharanira Demokarasi ya Congo, yashimye ubufatanye bw’ibihugu byombi mu guhangana na virus ya Ebola.
Ati “Twakingiye abantu ibihumbi 30 birimo abantu bakora mu bijyanye n’ubuzima, twagiranye ibiganiro n’abayobozi mu by’ubuzima bo mu Rwanda dushyira hamwe ingamba zo kurwanya iyi ndwara, turashimira abayobozi bo mu ntara y’Iburengerazuba bashyize ingufu mu gusuzuma iyi ndwara ku mipaka.”
Hari umubare munini w’Abanyarwanda bajya gukora imirimo itandukanye muri RDC, akaba ariyo mpamvu abakingiwe .
Abantu basaga 2000 bishwe na Ebola muri Congo. Muri abo harimo umwe wo mu ntara ya Kivu y’Amajyepfo. Ubuyobozi bw’iyi ntara kuri ubu buravuga ko nta murwayi urongera kugaragara nyuma y’aho batangiriye gahunda yo gukingira.
Uru rukingo rutangwa mu byiciro bibiri, urwa mbere rukurikirwa n’urwa kabiri nyuma y’amezi abiri uhereye igihe urwa mbere rwatangiwe.
Mu Rwanda hazakingirwa abaturage ibihumbi 100 bo mu karere ka Rubavu n’ibihumbi 100 mu karere ka Rusizi.
Uru rukingo rukorwa n’ikigo cy’Abanyamerika ‘Johnson and Johnson’, rwageze bwa mbere muri Congo mu kwezi k’Ukwakira uyu mwaka aho biteganyijwe ko hazakingirwa ibihumbi 500.
Abakina icyinamico irimo ubutumwa bwo gukingira Ebola
