Rutahizamu w’umupira w’amaguru mu ikipe ya Manchester united, Cristiano Ronaldo yatangaje ko we n’umugore Georgina Rodriguez biteguye kwibaruka Impanga.
Ku rukuta rwe rwa Instagram, Ronaldo yashyizeho ifoto we n’umugore we bari mu buriri, igice cyo hejuru batambaye kandi bamwenyura berekana amafoto yafashwe n’abaganga ya Ecographie agaragaza impanga z’abana mu nda ya Georgina Rodriguez atwitiye Ronaldo.
Rutahizamu yahise yandika amagambo agaragaza akanyamuneza ati “
“Twishimiye kubamenyesha ko twiteguye kubyara impanga. Imitima yacu yuzuye urukundo n’amashimwe.”
Christiano Ronaldo ukinira ikipe ya Manchester United, asanzwe afite abana bane, barimo babiri b’impanga. Harimo imfura ye Cristiano Jr w’imyaka 11, Mateo n’impanga ye Eva Maria b’imyaka 4 na Alana Martina w’imyaka 3.
