Mutungirehe Samuel
Abakekwaho kuba intagondwa z’abajihadiste bishe abajandarume bagera kuri 19 hamwe n’umusivile umwe mu gitero bakoze mu gatondo cya kare kuri iki Cyumweru mu Burengerazuba bwa Burkina Faso.
Umukuru w’ibiro bikuru bya gisirikare yavuze ko iki gitero cyakorewe abajandarume bo ku birindiro by’giporisi by’ahitwa Inata, mu gihe Minisitiri w’mutekano, Maxime Kone, we yavuze ko bamwe mu barokotse bamenyekanye aho bari, abandi bagishakishwa.
Ibitero by’abajihadiste hamwe n’imitego mu mihanda byitirirwa amashyaka ashamikiye ku mutwe w’iterabwoba wa leta ya kiyisilamu na Al-Qaeda, bimaze guhitana abantu barenga 2.000 mu gihe abarenga Miliyoni n’ibihumbi 400 bamaze guta ingo zabo muri Burkina Faso.
Mu byumweru bishize abanyeporitike batavuga rumwe n’ubutegetsi muri icyo gihugu basabye leta guhangana mu buryo buboneka no gutuza iyo mitwe y’abicanyi. Batangaje ko bashobora kuzigabiza imihanda basaba kweguza Perezida Roch Marc Christian Kabore mu gihe ntagihindutse mu bijanye n’umutekano mu gihugu. (AFP)
