Indege yo mu bwoko bwa Boing 737 yari irimo abagenzi 133 yahanutse mu butumburuke bw’ibilometero birenge 30 isandara hasi iraturika. Amakuru ababaje avuga ko kugeza ubu nta kizere ko hari uwayirokotse.
Ni insanganya yabaye mu gitondo cyo kuri uyu wa Gatatu tariki ya 21 Werurwe 2022, amafoto yamaze kujya ahagaragara arerekana indege yaguye ahantu hasa n’ahari urutoki mu Misozi ituriye Umujyi wa Wuzhou.
Perezida w’u Bushinwa Xi Jinping yategetse abatabazi kuhagera vuba na bwangu bakareba ko hari uwo baramira ariko icyizere cy’uko hari uwaboneka ni gicye.
Video yatangajwe na Televiziyo y’u Bushinwa yitwa Central China Television( CCTV) agaragaza indege ihanuka icuritse yikubita hasi iraturika.
Perezida w’u Bushinwa kandi yategetse ko hahita hatangizwa iperereza ku cyayiteye.
Iriya ndege yari ifite ibirango bya MU5735 ikaba yavaga mu Mujyi wa Kunming mu Ntara ya Guangzi.
Iyi ndege yari imaze umwanya muto ihagurutse ariko ntiharamenyekana icyayihanuye by’igitaraganya
