Minisiteri ya Siporo yakomoreye ibikorwa bya siporo y’umupira w’amaguru, ishyiraho ibyo abanyamuryango bagomba kubahiriza mbere yo gusubukura ibikorwa.
Byatangajwe mu itangazo ryashyizwe hanze n’iyi minisiteri ku mugoroba wo kuri uyu wa Kane, bavuze ko amashyirahamwe y’imikino agomba kubanza kwerekana uburyo abanyamuryango babo bazirinda Covid-19 hanyuma bakabona kubaha uburenganzira bwo gukina amarushanwa.
Muri iri tangazo kandi bavuze ko imyitozo yemerewe gusubukurwa ku bafite amarushanwa harimo na shampiyona y’ikiciro cya mbere mu mupira w’amaguru yari yarasubitswe igeze ku mumsi wa Gatatu.
