Umwe mu bahanzi bakunzwe cyane mu Gihugu cya Uganda Gereson Wabuyi wamenyekanye nka Gravity Omutujju uririmba mu njyana ya Rapp yarashwe ku mugoroba wo kuri uyu wa Gatatu aho ubu ari kwitabwaho n’abaganga b’inzobere.
Uyu musore asanzwe ari umuraperi ukunzwe muri Uganda ndetse si ugukundwa n’abafana gusa ahubwo n’ininshuti magara yabamwe mu bahanzi barimo na Eddy Kenzo nyuma yo kuraswa rero hakaba hahise hashyirwa inyandiko ku rukuta rwe rwa facebook igaragaza ko yarashwe n’abantu bataramenyekana ahita ajyanwa kwa muganga igitaraganya.
Ubutumwa bugira buti “Gravity Omutujju yarashwe n’uwitwaje imbunda utamenyekanye. Amasengesho yanyu arakenewe.”
Umuhanzi Gravity akunzwe na benshi muri Uganda gusa yarashwe
Mu gitondo cyo kuri uyu wa Kane Polisi nayo yemeje iraswa ry’uyu musore. Umuvugizi wa Polisi muri Wamala, Norbert Ochom, yatangaje ko uyu muraperi yarashwe n’umurinzi wo kuri Sitasiyo ya essence mu gace ka Bukuyu mu Karere ka Kassanda
Uyu murinzi ukekwaho kurasa Gravity Omutujju bivugwa ko yitwa Amos Muhebwa ariko Polisi yavuze ikiri gutohoza amakuru neza ngo imenye icyatewe iki gikorwa.
Uyu muhanzi yarashwe ahantu habi cyane aho biri gutera benshi impungenge kuko bamusatuye inda.
