Mu karere ka Gisagara umurenge wa Mugombwa akagari ka Mukomacara umudugudu Karangabo hari umugabo wishe umugore wari waje kubagurira ibishyimbo murugo amutemye, ibice by’umubiri abishyira mu cyoro yari yaracukuye aho iwe.
Muri iki gitondo cyo kuri uyu wa gatanu tariki ya 06 werurwe 2026 nibwo twasanze abatuarge bo mu karere ka Gisagara umurenge wa Mugombwa akagari ka akagari ka Mukomacara umudugudu Karangabo bavuga ko mu gitondo cyo kuwa 3 babuze umuntu none baje gutungurwa no kumusanga yariciwe mu rugo rw’umuturanyi wabo bakamushyira mu cyoro nkuko bamwe mubo twaganiriye babigaragaza.
Umwe yagize ati ”Twari turikumwe kuwa kabiri arikuvugana n’umugore wo muri ruriya rugo ngo kuwa gatatu aze mu gitondo bamugurishe ibishyimbo, ubwo twaratashye kuko twakoranaga noneho mu gitondo tujya mu kazi ariko anyura muri uru rugo nubundi aje kureba bya bishyimbo ahageze ntiyagarutse. Nyuma twaje kumureba turamubura dutangira gucyeka ko yaba ari akiri hano nibwo ku munsi ukuricyiye wo kuwa kane twabwiye abayobozi baradufasha tuza murugo iwe turashakisha dusanga ibice by’umubiri we biri mu cyobo yacukuye gisa na Tuwaleti”.
Undi nawe ati “Iki cyaha ni indengakamere ntaho twari twarigeze kubibona yaramwishe arangije akajya amukata buri gice cy’umubiri akagishyira ukwacyo n’imyenda nayo yayishyize mu kindi cyobo ari naho twasanze indi myenda yundi mugabo nawe twabuze”.
Aba baturage bavuga ko uyu mugabo hari hashize igihe bamukekaho ibyaha nkibi ariko barabuze gihamya. Bityo kuri ubu bakavuga icyo yakoze ari indengakamere bakaba basaba ko inzego zibishizwe zakora iperereza ubandi hakarebwa niba hari abandi koko yaba yarishe kuko atari uyu gusa byamuhama hamwe nabo bafatanije bagakanirwa urubakwiye.
Undi muturage wari aho yagize ati “Hari n’abandi yishe si uyu mudamu gusa kuko hari uwo twabonye imyenda ye mu cyobo n’igare rye rwari twaramubuze mu gihe gishize . Ngewe kubwange ndumva kumufunga bidahagize ahubwo bagakwiye kumuzana hano yakoreye icyaha bakamutwika tubireba kuko yamwishe by’agashinyaguro”.
Umuvugizi wa Plisi y’Urwanda mu ntara CIP Hassan Kamanzi avuga ko abacyekwaho kwica uyu mugore bafashwe bafungiye kuri sitasiyo ya Polisi I Ndora mu gihe urwego rw’Igihugu rw’ubugenzaha (RIB) rukomeje gukora iperereza ryimbitse ku byabaye.
Ati “Polisi yihutiye kujyayo, babiri bacyekwaho kuba bakoze ubu bwicanyi bafashwe ubu bafungiye kuri sitasiyo ya Polisi I ndora aho ubugenzaha bwatangiye kubakurikiranaho iki cyaha bakekwaho cy’ubwicanyi”.
Umuvugizi wa Polisi kandi akomeza avuga ko batazigera na rimwe bihanganira uwo ariwe wese uhungabanya umutekano n’ituze ry’abaturage kandi abashishikariza gukomeza gutangira amakuru ku gihe.
Moise Munyaneza
