Yanditswe na Kagaju Julienne
M23 iravuga ko bimwe mu birindiro byazo mu gace ka Jomba muri Teritwari ya Rutshuru birimo kuraswaho n’ingabo za Leta FARDC kuva mu gitondo cyo kuri uyu wa mbere.
Igihe kigera ku cyumweru imirwano yasaga niyahagaze nyuma y’uko izi nyeshamba zitangaje ko zivuye mu duce zari zarafashe muri Teritwari za Rutshuru na Nyiragongo muri Kivu ya Ruguru.
Willy Ngoma, umuvugizi wa M23 yatangarije BBC ati "Barimo kuturasaho kuva 5h30".
Kugeza ubu ingabo za Leta ya Congo Kinshasa ntacyo ziratangaza ku byatangajwe na M23 kuri iyo miryano, BBC yagerageje kuvugana n’umuvugizi w’ingabo ariko ntibirashoboka kugeza ubu.
Umutwe wa M23 kuwa gatanu ushize wasohoye itangazo uvuga ko "Ingabo za Leta n’abafatanya nazo biteguye kubagabaho ibitero bishya."
Umwe mu bakuriye M23 Bertrand Bisimwa yatangaje kuri Twitter ko kuba "Ingabo za MONUSCO ziri muri iyi miryano binyuranije n’ibyasabwe n’inama y’umutekano ya ONU".
Iyi mirwano yubuye kandi nyuma yuko kuri uyu wa kabiri i Goma hateganijwe inama y’abagaba b’ingabo z’ibihugu bigize umuryango w’ibihugu bya Africa y’iburasirazuba.
Abo basirikare bakuru baraterana bigendanye no gushyiraho umutwe w’ingabo z’akarere wo kurwanya inyeshyamba zikinangira gushyira intwaro hasi muri DR Congo.
Iyi ikaba ari imwe mu myanzuro yafashwe n’abakuru b’ibihugu bigize uyu muryango mu nama bahuriyemo i Nairobi mu kwezi Mata.
