Indege yo mu bwoko bwa Kajugujugu y’ishami ry’Umuryango w’Abibumbye rishinzwe Ibiribwa, (PAM) yakoreye impanuka muri Teritwari ya Nyiragongo muri Repubulika Iharanira Demokarasi ya Congo.
Iyi ndege yarimo abakozi b’uyu muryango, yakoreye impanuka muri Gurupoma ya Rusayu muri Teritwari ya Nyiragongo mu gice giherereye mu Majyaruguru ashyira Uburengerazuba bw’Umujyi wa Goma.
Yakoze impanuka kuri uyu wa Gatanu nyuma yo kugenda ibirometero 15.
Oyebi.net dukesha aya makuru, ivuga ko ntawaguye muri iyi mpanuka ariko batatu bakomeretse.
Ubuyobozi bw’ubutumwa bw’Umuryango w’Abibumbye muri Repubulika Iharanira Demokarasi ya Congo, ntacyo buravuga kuri iyi mpanuka.
