By Raoul
Ku nshuro ya mbere Ibiro by’umuvunyi byahembye abanyamakuru bakorera ibitangazamakuru bitandukanyebababaye indashyikirwa mu gutara no gutangaza inkuru zerekeye kurwanya no gukumira ruswa.
Ni umuhango wabereye Kigali kuri uyu wa gatatu tariki ya 20 Ugushyingo 2019,ku umunsi wari ufite insanganyamatsiko igira iti”Duhuze imbaraga turwanya ruswa” aho abanyamakuru 15 bakorera ibitangazamakuru birimo Televiziyo,amaRadio,ibinyura kuri murandasi ndetse n’ibisohoka ku mpapuro.
Muri uyu muhango Umuvunyi Wungirije ushinzwe gukumira no Kurwanya Ruswa yavuze ko ahari ruswa nta terambere rishoboka bityo itangazamakuru rikaba rifite akazi ko kwigisha abaturage ibijyanye na ruswa.
Ati”Ahari ruswa iterambere ry’abaturage n’ibikorwaremezo ntibishoboka kuko umutungo wa Leta urangizwa ishoramari riturutse hanze rikadindira.by’umwihariko rero Itangazamakuru rifite uruhare runini mu bikorwa byo kwigisha abaturage ububi bwa ruswa.”
Yongeye ho ko ashimira byimazeyo abanyamakuru bakoze inkuru kuri ruswa akomeza asaba ubufatanye n’inzego zitandukanye mu guhashya ruswa.
Agahozo Amiella umwe mu banyamakuru bahawe igihembo yavuze ko inkuru za Ruswa kimwe n’zindi nkuru zicukumbuye zivuna ariko asaba abgenzi be b’igitsina gore kwigirira ikizere bakumva ko bashoboye.
Ati”Inkuru ziravuna kuko hari naho ugera kubona amakuru cyane nko kubayobozi bikakugora ariko kuko nge numvaga mbishoboye nkigirira ikizere narabikoze kandi birakunda,abakobwa bakunda kwitinya bakumva ko bazakora ibintu byoroheje nge kwigirira ikizere nibyo byamfashije,ntuzatinye gukora ikintu kirengera abaturage abakobwa bakunda kumva ko batabishobora icyo ushaka uragishobora.”
Mu banyamakuru 15 bahawe ibihembo 5 bari ab’igitsina gore ,urwego rw’umuvunyi rukaba rutangaza ko ibi bihembo bizajya bitangwa buri mwaka,mu bihembo byatanzwe harimo ibikoresho bitandukanye byifashishwa mu mwuga w’Itangazamakuru harimo nka Camera zo gufata amafoto n’amashusho ndetse n’ibyuma bifata amajwi.
