Yanditswe na NIMUGIRE Fidelia
Ibirori byahindutse ikinamico nyuma yuko abapolisi bambaye imyenda isanzwe bateye mu bukwe bwabereye mu ishuri rya tekinike rya Kakiika mu mujyi wa Mbarara mu mpera z’icyumweru, bata muri yombi umugeni kubera urubanza rw’inshinjabyaha rwasibwe.
Christine Natuhera yatawe muri yombi akekwaho kuba yaribye amafaranga aho yakoraga mbere.
Icyakora, Monitor dukesha iyi nkuru yemeje ko urubanza rwasibwe mbere kubera kubura ibimenyetso.
Edson Tumukunde, umukwe, yavuze ko iyo ikinamico yabaye igihe abapolisi bafataga umugore we.
Ati: “Abashyitsi bagerageje kubahagarika. Umugore umwe yafashe umusatsi umugore wanjye amukura amujyana hanze.”
Umwe mu bashyitsi yafashe Natuhera amukura mu bapolisi amujyana mu modoka kugira ngo ahunge, ariko abapolisi bahita babakurikira.
Nyuma abo bapolisi babafashe, bajyana umugeni kuri sitasiyo ya polisi.
Tumukunde yagize ati: “Yaraye muri kasho. Ku cyumweru, abashyitsi bacu bategerereje kuri polisi kugeza saa saba za mu gitondo ubwo twageragezaga kumukurishamo .”
Umukwe na bene wabo bagerageje kumukuzamo gusa biranga kugeza ubwo itangaza makuru ryabimenyeye.
Umuyobozi w’akarere ka polisi mu Rwizi, Bwana Ezekiyeli Emitu Ebapu, washinjaga abapolisi be amakimbirane ashingiye ku nyungu, yemeje ibyabaye anasaba imbabazi z’uburyo umugeni yakemuwe.
Ati: “Ibyo byabaye bibabaje cyane. Bagomba gutegereza ko arangiza imirimo ye hanyuma bakamufata .”
Aba bapolisi bavuze ko barimo gukora iperereza ku rubanza rw’ubujura.
Bwana Emitu yavuze ko nubwo ukekwaho icyaha yashinjwaga ubujura, atari icyaha cy’urupfu, abapolisi bari bakwiye kumuhamagara kugira ngo asubize ibyo aregwa aho kumubabaza.
Ati: “Nzahana abapolisi babikoze. Ibyo ntibyakowe kinyaumwuga cyane ko atari yihishe. Uru ni urubanza rwakorewe iperereza. Yari akwiye kwemererwa kurangiza ubukwe bwe, bagombaga gutegereza ku wa mbere ”.
Bwana Emitu yongeyeho ati: "Umukozi ushinzwe iperereza wemeje ko ifatwa ryerekana ko hari inyungu z’umuntu ku giti cye."
Umuyobozi wa polisi yavuze ko yategetse ko Madamu Natuhera arekurwa by’agateganyo.
Ati: “Ndasaba imbabazi umuryango kubyo twateje, nabategetse kumuha inkwano ako kanya, ibyamubayeho birashobora kumugiraho ingaruka mubuzima bwe bwose. Ibi biratangaje kandi ntibyari bikwiye kubaho.”
