Kuwa 24 Mutarama nibwo Ihuriro AFC/M23 ryigambye ko Gen Maj Peter Cirimwami Nkuba wari
Guverineri w’Intara ya Kivu y’Amajyaruguru yishwe arashwe muri Minova, mu gace ka Kasengezi.
Inkuru yaje kwemezwa na Leta ya Congo Kinshasa ndetse Perezida Tshisekedi anashyiraho umusimbura, Maj. Gen. Evariste Somo Kakule.
Maj. Gen. Somo Kakule yatangiye kuyoborera iyi ntara i Beni, hanze y’umujyi wa Goma, usanzwemo icyicaro gikuru cy’iyi ntara.
Ibikorwa bye bya mbere byatangiriye ku kubaka no kuvugurura imihanda i Mbau-Kamango muri Beni aho akorera.
Yagaragaje ko mu bimuraje ishinga harimo kuzamura ibikorwaremezo mu bice bikiri mu biganza bya Guverinoma ya Congo mu Ntara ya Kivu y’Amajyaruguru.
Uyu Guverineri w’Intara ya Kivu y’Amajyaruguru abaturage bamwe batangiye kumunenga ko atangiye kwifotoreza ku mwiko aho kujya ku rugamba kubihoza Goma agomba gukoreramo
Uyu mujenerali wahawe ibiro mu Mujyi wa Beni, uri mu ntera ya kilometero zirenga 340 uvuye i Goma, benshi mu baturage batangiye kuvuga ko ntacyo bamwitezeho ku kugarura ibice bigenzurwa na M23.
Uyu mujenerali wahawe ibiro mu Mujyi wa Beni, uri mu ntera ya kilometero zirenga 340 uvuye i Goma, benshi mu baturage batangiye kuvuga ko ntacyo bamwitezeho ku kugarura ibice bigenzurwa na M23.
Urupfu rwa Gen Chilimwami rwakuriikiwe n’ifatwa rya Goma
