Guverinoma ya Hong Kong yashyizeho itegeko ku baturage bayo bose ko bagomba kwisuzumisha Covid-19 ngo buri umwe amenye uko ahagaze.
Ni nyuma yuko muri iki gihugu gituwe b’abarenga miliyoni 7.5 bigaragaye ko harimo ubwandu buri hejuru mu gihe gito
Umuyobozi Mukuru, Carrie Lam yavuze ko abaturage bagomba kwinjira mu bihe bitatu byo kwisuzumisha coronavirusi muri uku kwa Gatatu, 2022.
Amashuri nayo mbere y’impeshyi azashyira mu bikorwa ingamba zo kwirinda kwanduzanya, nko guhana intera igihe abantu bahuriye ahantu hamwe.
Kugeza ubu iki gihugu kiri guhangana na virusi yihinduranyije ya Omicron, kugeza aho ibitaro bitangiye kunanirwa kwita ku barwayi.
Muri iki gihugu kigitsikamiwe n’Ubushinwa hari kugaragara abanduye bashya buri munsi, ku buryo abayobozi bakuru mu Bushinwa bari kujya gufasha Hong Kong guhagarika umuvuduko w’ubwandu bushya.
