By Imfurayabo Pierre Romeo
Abantu bagera kuri 17 basize ubuzima muri iki gitero abandi 30 barakomereka nyuma y’iturika ry’igisasu nukurasana kwabaye mu murwa mukuru w’igihugu cya Somalia-Mogadishu
Nyuma y’iki gitero cyagabwe I Mogadishu, Umutwe w’abarwanyi bagendera ku matwara akomeye ya ki Islam, Al Shabab ukaba wahise wigamba gutegura no kugaba iki gitero.
Iki gisasu cyabanje guturika kikaba cyari giteze mu modoka yo mu bwoko bwa minibisi byakurikiwe no gutabara kw’abashinzwe umutekano nabo baje kurasana n’aba barwanyi ba Al-Shabab.
Mu 2011 abasirikare ba leta hamwe n’inteko mpuzamahanga zihagarariye amahoro, bakaba bari birukanye uyu mutwe mu mujyi wa Mogadishu, gusa kuva icyo gihe nabo ntibasibye kuhagaba ibitero by’ubwiyahuzi binahitana batari bake muri uyu murwa mukuru wiki gihugu.
Mu ntangiriro zuku kwezi, akaba aribwo nanone abantu basaga 26 bahitanywe n’igitero nubundi cya Al-shabab cyagabwe kuri Hotel imwe mu mujyi wa KISMAYO uherereye mu majyepfo y’iki gihugu. Igitero cyanaguyemo umunyamakurukazi warukunzwe cyane muri iki gihugu.
