Yanditswe na NIMUGIRE Fidelia
Inteko yo ku rwego rwo hejuru y’abacamanza batanu b’abanyamahanga bageze muri Kenya.
Ni mu rwego rwo gukurikirana imikemukire y’urubanza ku kirego cy’umukandida Perezida Raila Odinga cyamagana ibyavuye mu matora y’umukuru w’igihugu yabaye ku wa 09 Kanama 2022 mu rukiko rw’ikirenga.
Ni abagize ihuriro ry’abacamanza b’Abanyafurika (AJJF).
Mu itangazo ryasohotse rivuga ko baraye bageze muri Kenya, kuri uyu wa 28Kanama 2022.
Rikomeza rigira riti: “Abahanga mu mategeko bazitabira iburanisha ryose ry’urukiko rw’ikirenga, bakurikirane ikirego ku matora ya Perezida hashingiwe ku mahamwe mpuzamahanga y’uburenganzira bwa muntu mu rubanza ruboneye.”
Ihuriro ry’abacamanaza b’Abanyafurika (AJJF), biyemeje guteza imbere ubutabera n’iterambere muri Afurika.
Icyicaro cyabo kiba muri Afurika y’Epfo; ni ihuriro ritanga ubumenyi ku bijyanye n’amategeko ya guverinoma, imiryango itari iya Leta (NGOs) batera inkuga.
