Abasivile 40 bishwe barashwe n’abarwanyi b’umutwe w’iterabwoba wa ADF abandi barakomereka.
Ni ubwicanyi bwabaye mu ijoro ryo ku itariki ya 8 Werurwe ahitwa Mukondi muri teritwari ya Beni, muri Kivu y’Amajyaruguru.
Amakuru aravuga ko habaye no gutwika inzu nyinshi muri icyo gitero ku baturage.
Sosiyete sivile yavuze ko habaruwe 44 bishwe hahunga benshi bagana ahitwa Kalunguta na Maboya hafatwa nk’ahari umutekano.
Umuyobozi ushiznnzwe urubyiruko muri sheferi ya Bashu, Saddam Patanguli yavuze ko abo baterabwoba ba ADF baje baturutse mu mujyi wa Mwalika muri segiteri ya Rwenzori.
Ubu bwicanyi bwamaganywe n’uhagarariye MONUSCO muri Congo, Madam Bintou Keita, wasinye itangaza rya MONUSCO rivuga ko hishwe abarenga 38 abandi bagakomereka.
Yasabye abayobozi ba Congo gukora iperereza no gutanga ubutabera ku bakorewe ubwo bwicanyi.
