Yanditswe na NIMUGIRE Fidelia
Boris Johnston wari uherutse kuva mu biruhuko yari yaragiyemo, akabivamo atabirangije kugira ngo yongere ahatanire kuba Minisitiri w’Intebe w’u Bwongereza, ubu yahariye Rishi Sunak.
Uyu mugabo w’imyaka 42 niwe uri guhabwa amahirwe menshi yo kuba Minisitiri w’Intebe w’iki gihugu giherutse gupfusha Umwamikazi wari umaze imyaka irenga 70 yimye.
Rishi Sunak, yigeze kuba Minisitiri ushinzwe imari mu Bwongereza ariko aza kwegura kubera ibyo atemeranyagaho na boss we icyo gihe wari Boris Johnston.
Biteganyijwe ku masaha ya nyuma ya saa sita ku isaha y’i Kigali ari bwo ari butangazwe k’umugaragaro ko asimbuye Liss Truss, uherutse kwegura nyuma yo kurengwa n’ibibazo by’ubukungu byugarije u Bwongereza.
Truss yabwiye itangazamakuru ko kuba Minisitiri w’Intebe w’u Bwongereza muri iki gihe bishobora kuba ari ko kazi kavunanye kurusha akandi kose kaboneka ku isi.
Ibi kandi abihuza n’ibyo Tony Blair yigeze kuvuga.
Ngo mu Bwongereza muri iki gihe hari akajagari muri Politiki k’uburyo gushyira ibintu ku murongo bigoye cyane.
Kimwe mu bintu Rishi azibukirwaho mu mateka azakurikira kuba abaye Minisitiri w’Intebe w’u Bwongereza ni uko ari we muntu ugiye kuri uyu mwanya kandi adakomoka ku Bazungu kandi akiri muto.
Ni Umwongereza ukomoka ku Bahinde bakuriye muri Kenya ndetse no muri Tanzania.
Se yitwaga Yashvir Sunak n’aho Nyina akitwa Usha Sunak.
